'కెప్టెన్​గా రాహులే​ సరైనోడు.. రుతురాజ్​ వండర్స్​ చేస్తాడు'

Chetansharma praises Kl Rahul: కేఎల్​ రాహుల్​ ఇప్పటికే తనలోని నాయకత్వ లక్షణాలను నిరూపించుకున్నాడని, అందుకే అతడిని దక్షిణాఫ్రికాతో జరగనున్న వన్డే సిరీస్​కు కెప్టెన్​గా ఎంపిక చేసినట్లు తెలిపారు సెలెక్షన్ కమిటీ ఛైర్మన్​ చేతన్​ శర్మ. అతడు మంచి ఆటగాడని ప్రశంసించారు. ఇక ఈ సిరీస్​కు ఎంపికైన ఓపెనర్​ రుతురాజ్​ గైక్వాడ్​.. జట్టు కోసం అద్భుతాలు చేయగలడని కితాబిచ్చారు.

Chetansharma praises Kl Rahul: దక్షిణాఫ్రికాతో జరగనున్న వన్డే సిరీస్​ కోసం.. కేఎల్​ రాహుల్​ను కెప్టెన్​గా సిద్ధం చేస్తున్నట్లు తెలిపారు సెలెక్షన్ కమిటీ ఛైర్మన్ చేతన్ శర్మ. ఇప్పటికే అతడు తనలోని నాయకత్వ లక్షణాలను నిరూపించుకున్నాడని, అందుకే వన్డే సిరీస్​ కోసం సారథిగా అతడిని నియమించినట్లు పేర్కొన్నారు. ఈ సిరీస్​కు గాయం కారణంగా హిట్​మ్యాన్​ రోహిత్​ శర్మ దూరమయ్యాడు. ఈ నేపథ్యంలోనే రాహుల్​ను కెప్టెన్​గా ప్రకటించారు.

"కేఎల్​ రాహుల్​ను సిద్ధం చేస్తున్నాం. ప్రస్తుతం అన్ని ఫార్మట్లలో అతడు బాగా ఆడుతున్నాడు. కెప్టెన్​గా అతడికి మంచి అనుభవం ఉంది. ఇప్పటికే అతడు తనలోని నాయకత్వ లక్షణాలను నిరూపించుకున్నాడు. అందుకే సెలెక్టర్లు అతడిని ఎంచుకున్నారు. కెప్టెన్సీ అంటే ఎన్నో బాధ్యతలు ఉంటాయి. ఐపీఎల్​లో పంజాబ్​ కింగ్స్​కు అతడు సారథిగా వ్యవహరించి అనుభవాన్ని సంపాదించుకున్నాడు. రోహిత్​ ఫిట్​గా లేనందున జట్టును నడిపించగల సత్తా అతడికే ఉందని మేము నమ్ముతున్నాం. అందుకే అతడిని భవిష్యత్ కెప్టెన్​గా సిద్ధం చేస్తున్నాం."

-చేతన్​శర్మ.

ఇక ఈ సిరీస్​కు ఎంపికైన ఓపెనర్​ రుతురాజ్​ గైక్వాడ్​పై ప్రశంసలు కురిపించారు చేతన్​. జట్టులో అతడు అద్భుతాలు చేస్తాడని కితాబిచ్చారు.

"సరైన సమయంలో అతడికి మంచి అవకాశం వచ్చింది. టీ20 జట్టులో అతడు ఇప్పటికే ఉన్నాడు. ఇప్పుడు వన్డేల్లోనూ చోటు దక్కించుకున్నాడు. జట్టు కోసం అతడు అద్భతాలు చేస్తాడని సెలెక్టర్లు భావిస్తున్నారు. న్యూజిలాండ్​తో జరిగిన టీ20లో అతడు అదిరిపోయే ప్రదర్శన చేశాడు" అని చేతన్​ అన్నారు.

రుతురాజ్​.. ఐపీఎల్​, ఇటీవల ముగిసిన విజయ్​ హజారే ట్రోఫీలో అత్యధిక పరుగులు చేసిన ఆటగాడిగా కొనసాగుతున్నాడు. ఈ సీజన్​ విజయ్ హజారే టోర్నీలో ఐదు మ్యాచ్​లు ఆడి 603 పరుగులు చేశాడు.

ఇదీ చూడండి: కోహ్లీ ఆడే ఆ​ షాట్​.. ఒకప్పడు ప్లస్​.. ఇప్పడదే మైనస్​