చెక్ బౌన్స్ వివాదంలో చిక్కుకున్న టీమ్ఇండియా మాజీ సారథి, ఐపీఎల్లో చెన్నై సూపర్ కింగ్స్ కెప్టెన్ ధోనీకి ఊరట లభించింది. బిహార్లో ధోనీపై చెక్ బౌన్స్ కేసు నమోదు కాగా.. తాజాగా కోర్టు తుది తీర్పు వెల్లడించింది. ధోనీతో పాటు మరో నలుగురిని కోర్టు నిర్దోషులుగా ప్రకటించింది.
అసలేమైంది?
టీమ్ఇండియా కెప్టెన్‌గా ధోనీ ఉన్న సమయంలో.. బిహార్కు చెందిన ఓ ఫెర్టిలైజర్ కంపెనీకి ప్రమోటర్గా ఉన్నాడు. ఈ క్రమంలో ఓ ఎంటర్ ప్రైజెస్ సంస్థ.. ధోనీ ప్రమోటర్గా ఉన్న కంపెనీ నుంచి ఎరువులను కొనుగోలు చేసింది. అనంతరం ఆ ఎరువుల్లో నాణ్యత కొరవడిందని, అమ్ముడుపోలేదని.. కొనుగోలు చేసిన సంస్థ ఆరోపించింది. ఈ క్రమంలో ఫెర్టిలైజర్ కంపెనీ.. ఆ ఎరువులను రిటర్న్ తీసుకొని.. రూ. 30 లక్షల చెక్కును ఎంటర్ ప్రైజెస్ ఏజెన్సీకి అందజేసింది. అయితే ఆ చెక్కు బ్యాంకులో వేయగా అది బౌన్స్ అయింది.