ICC T20 World Cup 2021: భారత జట్టులో మార్పులా?

టీ20 ప్రపంచకప్​(ICC T20 World Cup 2021) కంటే ముందు టీమ్ఇండియాలో కొన్ని మార్పులు(Changes in Team India) జరిగే అవకాశం ఉందనే వార్తలు వస్తున్నాయి. వీటిపై బీసీసీఐ కోశాధికారి అరుణ్​ ధుమాల్​ స్పందించారు. ఐపీఎల్​లో(IPL 2021) పేలవ ప్రదర్శన చేస్తున్న ఆటగాళ్లను ఉంచుతారా తీసేస్తారా అనే దానిపై క్లారిటీ ఇచ్చారు.

ఐసీసీ టీ20 ప్రపంచకప్​(ICC T20 World Cup 2021) ప్రారంభానికి మరో 17 రోజుల సమయం మాత్రమే ఉంది. ఈ నేపథ్యంలోనే టీమ్ఇండియా జట్టులో కొన్ని మార్పులు జరిగే అవకాశం ఉందని ప్రచారం జరుగుతోంది. ఈ మెగాటోర్నీకి 15 మంది ఆటగాళ్లతో పాటు నలుగురు రిజర్వ్​ క్రికెటర్లను బీసీసీఐ ఎంపిక(India Team in T20 World Cup) చేసింది. అయితే జట్టులో స్థానం దక్కించుకున్న ఇషాన్​ కిషన్​, సూర్య కూమార్​ యాదవ్​, హర్దిక్​ పాండ్య వంటి యువ ఆటగాళ్ల ఐపీఎల్ ప్రదర్శన పేలవంగా ఉండడం వల్ల వారి స్థానంలో మార్పులు జరిగే అవకాశం ఉందని ఇటీవలే వార్తలొచ్చాయి.

టీ20 ప్రపంచకప్​ జట్టులో స్థానం లభించిన తర్వాత సదరు ఆటగాళ్లలో నిర్లక్ష్యం పెరిగిందని కొందరు నెటిజన్లు పోస్ట్​లు పెడుతున్నారు. ఇదే కారణంగా ఐపీఎల్​లో(IPL 2021) పేలవ ప్రదర్శన చేసిన వారిని జట్టు నుంచి తప్పించే అవకాశం ఉందని ఊహాగానాలు వినిపిస్తున్నాయి. దీనిపై బీసీసీఐ కోశాధికారి(BCCI Treasurer Arun Dhumal) అరుణ్​ ధుమాల్​ స్పందించారు.

ఐసీసీ టీ20 ప్రపంచకప్​ ముందు టీమ్ఇండియా జట్టులో మార్పులేవి జరగవని భారత క్రికెట్​ నియంత్రణ మండలి(బీసీసీఐ) కోశాధికారి అరుణ్​ ధుమాల్​ స్పష్టం చేశారు. "టీ20 ప్రపంచకప్​ జట్టులో కొన్ని మార్పులు జరగనున్నాయని కొన్ని వార్తలు వచ్చాయి. మార్పులు ఉంటాయని మీకు ఎవరు చెప్పారు?" అని అరుణ్​ అన్నారు.

శ్రీలంక పర్యటనతో(India Tour of Sri Lanka 2021) పాటు ప్రస్తుత ఐపీఎల్​లోనూ కొంతమంది యువ క్రికెటర్లు రాణిస్తున్నారు. వారికి టీ20 ప్రపంచకప్​ జట్టులో స్థానం దక్కలేదు. ఉదాహరణకు ఆర్సీబీ స్పిన్నర్​ చాహల్​.. ప్రస్తుత ఐపీఎల్​ సీజన్​తో పాటు శ్రీలంక పర్యటనలోనూ అద్భుతంగా రాణించాడు. కానీ, అతడికి జట్టులో స్థానం కల్పించకపోవడంపై టీమ్ఇండియా మాజీ క్రికెటర్​ వీరేంద్ర సెహ్వాగ్​(Sehwag on Chahal) కూడా బీసీసీఐని ప్రశ్నించాడు.

ఇదీ చూడండి..Harshal Patel News: ఈ బౌలర్​ ప్రదర్శనతో ఆర్సీబీ దశ తిరిగేనా?