IND VS WI third T20: క్రికెట్ అభిమానులకు శుభవార్త. ఈడెన్ గార్డెన్స్ వేదికగా వెస్టిండీస్తో జరగబోయే మూడో టీ20కు ప్రేక్షకులను అనుమతించనున్నారు. 20వేల మంది అభిమానులను అనుమతించేలా బీసీసీఐ నిర్ణయం తీసుకుంది.
క్రికెట్ అసోసియేషన్ ఆఫ్ బెంగాల్(సీఏబీ) అభ్యర్థన మేరకు బోర్డు సభ్యులతో చర్చించి ఈ నిర్ణయం తీసుకున్నట్లు అధ్యక్షుడు గంగూలీ తెలిపాడు.
"మీ ప్రతిపాదన మేరకు ఇతర ఆఫీస్ బేరర్లతో చర్చించాం. వెస్టిండీస్తో జరగబోయే చివరి టీ20 మ్యాచ్కు ప్రేక్షకులను అనుమతించొచ్చు" అని సీఏబీ చీఫ్ అవిషేక్ దాల్మియాకు ఈమెయిల్ ద్వారా దాదా లేఖ పంపారు. ఈ అనుమతి ద్వారా సీఏబీ సభ్యులకు సహా దాని అనుబంధ క్రికెట్ సంఘాలకు ఉచిత టికెట్లు పంపిణి చేసేందుకు అవకాశం లభించినట్లైంది. తమ ప్రదిపాదనను పరిగణలోకి తీసుకుని ప్రేక్షకులను అనుమతించేలా బోర్డు అనుమతి ఇచ్చినందుకు బోర్డుకు కృతజ్ఞతలు తెలిపింది సీఏబీ. కాగా, బుధవారం విండీస్తో జరిగిన తొలి టీ20లో 6 వికెట్ల తేడాతో టీమ్ఇండియా విజయం సాధించింది.
ఇదీ చూడండి: టీమ్ఇండియా గెలుపు.. తొలి టీ20లో విండీస్పై విక్టరీ