బాల్ టాంపరింగ్ వివాదాన్ని తెరపైకి తెచ్చిన ఆసీస్ ఆటగాడు కామెరూన్ బాన్క్రాఫ్ట్.. ఇటీవల తాను చేసిన వ్యాఖ్యలపై వెనక్కి తగ్గినట్లు తెలుస్తోంది. ఆ వివాదం గురించి చెప్పడానికి కొత్త సమాచారమేమీ లేదని క్రికెట్ ఆస్ట్రేలియా ఇంటిగ్రిటీ విభాగంతో పేర్కొన్నట్లు సమాచారం.
ప్రస్తుతం యూకేలోని కౌంటీల్లో దుర్హామ్ తరఫున ఆడుతున్న బాన్క్రాఫ్ట్ను క్రికెట్ ఆస్ట్రేలియా ఇంటిగ్రిటీ విభాగం ప్రతినిధుల బృందం కలిసింది. సాండ్ పేపర్ వివాదంపై ఏదైనా అదనపు సమాచారం ఉంటే తెలియజేయాలని కోరింది. అందుకు రాజీ పద్ధతిలో స్పందించాడు బాన్క్రాఫ్ట్. ఆ వివాదానికి సంబంధించి కొత్తగా చెప్పాల్సిందేమీ లేదని పేర్కొన్నాడు.
ఇదీ చదవండి:ఆస్ట్రేలియా క్రికెట్లో బాన్క్రాఫ్ట్ కలకలం