ఆస్ట్రేలియా కెప్టెన్‌ సంచలన నిర్ణయం.. వన్డే క్రికెట్​కు గుడ్​బై

ఆస్ట్రేలియా క్రికెట్​ జట్టు ప్లేయర్​ ఆరోన్ ఫించ్ వన్డే క్రికెట్​కు రిటైర్మెంట్​ ప్రకటించాడు. అయితే మిగతా ఫార్మాట్లకు వీడ్కోలు పలుకుతాడా లేదా అనే విషయంపై ఫించ్​ క్లారిటీ ఇవ్వలేదు.

Aaron Finch Retirment: ఆస్ట్రేలియా పరిమిత ఓవర్ల కెప్టెన్‌ ఆరోన్‌ ఫించ్‌ సంచలన నిర్ణయం తీసుకున్నాడు. వన్డే క్రికెట్‌కు వీడ్కోలు పలికాడు. అయితే అన్ని ఫార్మాట్ల నుంచి రిటైర్​ అవుతాడా లేదా అనే విషయంపై ఫించ్​ ఇంకా స్పష్టత ఇవ్వలేదు. శనివారం ఉదయం విడుదల చేసిన ఓ ప్రకటనలో అతడు ఈ విషయాన్ని వెల్లడించాడు. రికీ పాంటింగ్, డేవిడ్ వార్నర్​ తర్వాత ఆస్ట్రేలియా తరఫున అత్యధిక స్కోరు చేసిన ఆటగాడుగా ఆరోన్ ఫించ్ క్రికెట్​ అభిమానుల గుండెల్లో నిలిచిపోయాడు.

కాగా కెప్టెన్‌గా జట్టును విజయాల బాటలో నడిపిస్తున్న ఫించ్‌.. వ్యక్తిగత ప్రదర్శనలో మాత్రం దారుణంగా విఫలమవతున్నాడు. గత తన ఏడు వన్డే ఇన్నింగ్స్‌లలో 26 పరుగులు మాత్రమే చేశాడు. వాటిలో రెండు డకౌట్‌లు కూడా ఉన్నాయి. ఇక​ ఫించ్‌ సారథ్యంలోనే ఆస్ట్రేలియా జట్టు తమ తొలి టీ20 ప్రపంచకప్‌ టైటిల్‌ను కూడా కైవసం చేసుకుంది.

ఇదీ చదవండి:90 మీటర్ల మార్క్‌.. నాపై ఎలాంటి ఒత్తిడి లేదు: నీరజ్‌ చోప్రా