Asia Cup 2023 IND VS SL : ఆసియా కప్ 2023లో మరో కీలక మ్యాచ్ను టీమ్ఇండియా ఆడుతోంది. పాకిస్థాన్పై గెలుపు మత్తు దిగకముందే.. శ్రీలంకతో తలపడుతోంది. కొలంబోలోని ప్రేమదాస స్టేడియంలోనే ఈ పోరు కూడా సాగుతోంది. అయితే ఈ మ్యాచ్లో టాస్ గెలిచిన టీమ్ఇండియా కెప్టెన్ రోహిత్ శర్మ బ్యాటింగ్ ఎంచుకున్నాడు.జట్టులో ఒకే ఒక్క మార్పుతో బరిలోకి దిగాడు. ఈ మ్యాచ్లోనూ టీమ్ఇండియా ఓపెనర్లు రోహిత్ దూకుడుగా ఆడాడు. 48 బంతుల్లో ఏడు ఫోర్లు, 2 సిక్స్లతో 53 పరుగులు చేసి ఔటయ్యాడు.
Rohith Sharma 10000 Runs : ఈ క్రమంలోనే రోహిత్ శర్మ ఓ ఘనతను అందుకున్నాడు. వన్డేల్లో 10 వేల పరుగుల మైలురాయిని చేరుకున్నాడు. వన్డేల్లో పది వేల పరుగుల ఘనత సాధించిన 15వ క్రికెటర్గా నిలిచాడు. వన్డేల్లో ఈ ఘనత సాధించిన ఆరో భారత క్రికెటర్గానూ నిలిచాడు. 248 మ్యాచుల్లోని 241 ఇన్నింగ్స్‌ల్లో ఈ మైలురాయిని అందుకున్నాడు. ప్రస్తుత మ్యాచ్లో ఓ సిక్స్ బాది పదివేల పరుగులు దాటడం విశేషం.
రోహిత్ కన్నా ముందు ఎవరంటే..?
- 10వేలకుపైగా పరుగులు చేసిన భారత బ్యాటర్లు వీరే..
- సచిన్ తెందుల్కర్‌ - 18,426
- విరాట్ కోహ్లీ - 13,024
- సౌరభ్‌ గంగూలీ - 11,363
- రాహుల్ ద్రవిడ్ - 10,889
- ఎంఎస్ ధోనీ - 10,773