Ashes 3rd Test: యాషెస్ సిరీస్లో ఇప్పటికే తొలి రెండు టెస్టులు గెలిచి జోరుమీదుంది ఆస్ట్రేలియా. వరుసగా రెండు ఓటములతో నిరాశలో కూరుకుపోయింది ఇంగ్లాండ్. ఇక ఈ రెండు జట్లు ముచ్చటగా మూడో పోరులో తాడోపేడో తేల్చుకునేందుకు సిద్ధమయ్యాయి. మెల్బోర్న్ వేదికగా ఆదివారం ఈ మ్యాచ్ ప్రారంభంకానుంది. ఈ నేపథ్యంలో ఇరుజట్లు వారి తుదిజట్లను ప్రకటించాయి.
నాలుగు మార్పులతో ఇంగ్లాండ్
తొలి రెండు మ్యాచ్ల్లోనూ ఓటమితో ఒత్తిడిలో పడిపోయింది ఇంగ్లాండ్ జట్టు. దీంతో ఈ మ్యాచ్లో ఎలాగైనా గెలవాలన్న కసితో ఉంది. ఈ క్రమంలోనే జట్టులో కీలక మార్పులు చేసింది. ఫామ్లేమితో సతమతమవుతున్న ఓపెనర్ రోరీ బర్న్స్తో పాటు ఒల్లీ పోప్కు మొండిచేయి చూపింది. దీంతో స్టార్ ఓపెనర్ బెయిర్ స్టోతో జట్టులోకి వచ్చాడు. అలాగే స్టార్ పేసర్ స్టువర్ట్ బ్రాడ్ను తుదిజట్టులోకి తీసుకోలేదు.
ఇంగ్లాండ్ జట్టు
England Squad: హసీబ్ హమీద్, జాక్ క్రాలే, డేవిడ్ మలన్, రూట్ (కెప్టెన్), బెన్ స్టోక్స్, బెయిర్స్టో, బట్లర్, మార్క్ వుడ్, ఒల్లీ రాబిన్సన్, జాక్ లీచ్, అండర్సన్
కమిన్స్ వచ్చాడు..
కరోనా వచ్చిన వ్యక్తికి దగ్గరగా ఉన్న కారణంగా అడిలైడ్ టెస్టుకు దూరమైన ఆస్ట్రేలియా కెప్టెన్ ప్యాట్ కమిన్స్ తిరిగి జట్టులోకి వచ్చాడు. అలాగే యువ పేసర్ స్కాట్ బోలాండ్ ఈ మ్యాచ్తో టెస్టు అరంగేట్రం చేయబోతున్నాడు. రెండో టెస్టులో ఐదు వికెట్ల ప్రదర్శనతో ఆకట్టుకున్న జే రిచర్డ్సన్కు తుదిజట్టులో చోటు దక్కలేదు. గాయం నుంచి ఇంకా కోలుకోకపోవడం వల్ల హేజిల్వుడ్ ఈ మ్యాచ్కూ అందుబాటులో ఉండట్లేదు.
ఆస్ట్రేలియా జట్టు
Australia Squad: వార్నర్, మార్కస్ హారిస్, లబుషేన్, స్మిత్, హెడ్, కామెరూన్ గ్రీన్, అలెక్స్ కారే, కమిన్స్ (కెప్టెన్), మిచెల్ స్టార్క్, నాథల్ లియోన్, స్కాట్ బోలాండ్.
