న్యూజిలాండ్తో టెస్టు సిరీస్కు ముందు ఇంగ్లాండ్ జట్టుకు పెద్ద ఎదురుదెబ్బ తగిలింది. గాయం కారణంగా ఆల్రౌండర్ జోఫ్రా ఆర్చర్ సిరీస్ నుంచి వైదొలిగాడు. ఈ విషయాన్ని ఇంగ్లాండ్ అండ్ వేల్స్ క్రికెట్ బోర్డు అధికారికంగా ప్రకటించింది.
ఇటీవల కౌంటీల్లో ససెక్స్ జట్టుకు ఆడిన ఆర్చర్.. కేవలం 5ఓవర్లు మాత్రమే బౌలింగ్ చేశాడు. ఈ మ్యాచ్కు ముందు గత వారం సర్రేతో జరిగిన మ్యాచ్లో 29.2 ఓవర్లు బౌలింగ్ చేశాడు జోఫ్రా. తాను ఫిట్గా ఉన్నానని.. ఐపీఎల్ తిరిగి ప్రారంభమైతే ఆడటానికి సిద్ధమని ప్రకటించాడు. కానీ ఇంతలోనే గాయం మరోసారి తిరగబెట్టింది.