Ambati Rayudu News: టీమ్ఇండియా మాజీ బ్యాటర్ అంబటి రాయుడు వచ్చే ఏడాది ఐపీఎల్ సీజన్లో ఆడేందుకు సన్నద్ధమవుతున్నాడు. ఈ నేపథ్యంలో మరో మూడేళ్ల పాటు క్రికెట్ ఆడేందుకు సిద్ధంగా ఉన్నట్లు చెప్పుకొచ్చాడు. ఇటీవలే విజయ్ హజారే ట్రోఫీలో అంధ్ర జట్టు తరఫున ఆడిన రాయుడు.. ఈ వ్యాఖ్యలు చేశాడు.
"ఫామ్, ఫిట్నెస్ ఉన్నంతవరకూ క్రికెట్ ఆడటం కొనసాగించాలనేది నా ఆశ. మరో మూడేళ్లు పాటు క్రికెట్ ఆడతా. ఫిట్నెస్పై ఫోకస్ చేస్తున్నా. ఇటీవలే జరిగిన విజయ్ హజారే ట్రోఫీలోను బాగానే రాణించాను."
-అంబటి రాయుడు, బ్యాటర్.
Ambati Rayudu Retirement: 2019 వన్డే ప్రపంచకప్ నేపథ్యంలో టీమ్ఇండియా జట్టులో అంబటి రాయుడుకు చోటు లభించలేదు. ఈ కారణంగా అసంతృప్తి చెందిన రాయుడు.. జులైలో అన్ని ఫార్మాట్లకు వీడ్కోలు పలికాడు. కానీ, రెండు నెలల తర్వాత తన రిటైర్మెంట్ను వెనక్కి తీసుకున్నాడు.