Ajaz Patel Record: 10 వికెట్ల క్లబ్​లో అజాజ్.. దిగ్గజాల ప్రశంసలు

Ajaz Patel Record: న్యూజిలాండ్ స్పిన్నర్ అజాజ్ పటేల్ అరుదైన రికార్డు సాధించాడు. టెస్టులో 10 వికెట్లు పడగొట్టిన ముడో బౌలర్​గా నిలిచాడు. ఈ ఘనత సాధించిన అజాజ్​పై క్రికెట్ దిగ్గజాలు ప్రశంసలు కురిపిస్తున్నారు.

Ajaz Patel Record: భారత్, న్యూజిలాండ్ రెండో టెస్టు తొలి ఇన్నింగ్స్​లో కివీస్​ స్పిన్ బౌలర్ అజాజ్ పటేల్ అత్యుత్తమ ప్రదర్శనతో అదరగొట్టాడు. టెస్టులో పది వికెట్లు పడగొట్టాడు. దీంతో టెస్టు క్రికెట్​లో ఈ ఘనత సాధించిన మూడో బౌలర్​గా రికార్డు సాధించాడు. భారత సంతతికి చెందిన ఈ ఆటగాడిపై క్రికెట్ దిగ్గజాలు ప్రశంసలు కురిపించారు.

"అజాజ్​ పటేల్.. 10 వికెట్ల క్లబ్​లోకి స్వాగతం. అద్భుతమైన బౌలింగ్ ప్రదర్శన. తొలి రోజు, రెండో రోజు ప్రత్యేక కృషితో 10 వికెట్లు సాధించడం గర్వించాల్సిన విషయం."

--అనిల్ కుంబ్లే, టీమ్​ఇండియా మాజీ బౌలర్.

"క్రికెట్​లో ఈ ఫీట్​ సాధించడం చాలా కష్టం. ఒకే బౌలర్ 10 వికెట్లు తీయడం అంటే మామూలు విషయం కాదు. అజాజ్​ పటేల్​కు అభినందనలు."

--రవిశాస్త్రి, టీమ్​ఇండియా మాజీ హెడ్ కోచ్.

భారత్, న్యూజిలాండ్ రెండో టెస్టుకు వ్యాఖ్యాతగా వ్యవహరిస్తున్న న్యూజిలాండ్ మాజీ పేసర్ సైమన్ డౌల్.. అజాజ్​ పటేల్​ను కొనియాడాడు. గత 15 ఏళ్లుగా కివీస్ జట్టు అద్భుత ప్రదర్శన చేస్తుండటం ఆనందంగా ఉందని అన్నాడు.

ఆస్ట్రేలియా పరిమిత ఓవర్ల కెప్టెన్ ఆరోన్ ఫించ్​ కూడా అజాజ్​ రికార్డుపై స్పందించాడు. కివీస్​ స్పిన్నర్ అద్భుతమైన నైపుణ్యాన్ని కనబరిచాడని అన్నాడు.

ముగ్గురే..

1956లో తొలిసారి జిమ్​లేకర్ ఆస్ట్రేలియాపై 10 వికెట్ల ఘనత సాధించాడు. అనంతరం 1999లో అనిల్​ కుంబ్లే.. పాక్​ జట్టుపై ఈ రికార్డు నెలకొల్పాడు. ప్రస్తుతం ఈ జాబితాలో అజాజ్ చేరాడు. 1985లో కివీస్​ ఆటగాడు రిచర్డ్ హడ్లీ(9/52) ఆస్ట్రేలియాపై మేటి ప్రదర్శన చేశాడు.

ఇదీ చదవండి: