క్రికెట్లో అప్పుడప్పుడూ అసాధారణ విన్యాసాలు చూస్తూనే ఉంటాం. బ్యాటర్ల సూపర్ షాట్స్, ఫీల్డర్స్ మెరుపు విన్యాసాలు.. ఇలా ఎన్నో సూపర్ మూమెంట్స్‌ చోటు చేసుకుంటాయి. అయితే తాజాగా ఓ క్రికెటర్ పట్టుకున్న స్టన్నింగ్ క్యాచ్ సోషల్ మీడియాలో వైరల్‌గా మారింది. అయితే ఆ మ్యాచ్ జరిగి రెండు దశాబ్దాలు అయినా ఇప్పటికీ ఆ సూపర్ క్యాచ్ మాత్రం వావ్ అనిపిస్తోంది.
1997లో కేప్‌టౌన్‌ వేదికగా భారత్‌-దక్షిణాఫ్రికా జట్ల మధ్య జరిగిన టెస్టు మ్యాచ్లో ఓ ఫీల్డింగ్‌ మూమెంట్ ఆశ్చర్యపరచడమే కాదు.. ఆల్‌ టైమ్‌ టాప్‌-10 క్యాచెస్‌లో ఒకటిగా నిలుస్తుందనడంలో ఎటువంటి సందేహం లేదు. 1997లొ కేప్‌టౌన్‌ వేదికగా టెస్టు మ్యాచ్ జరగ్గా, ఆడమ్‌ బాచెర్‌ ఒక సూపర్ క్యాచ్ గాల్లోకి ఎగిరి అందుకున్నాడు. అది కూడా భారత దిగ్గజ ఆటగాడు సచిన్ టెండూల్కర్‌ బాదిన బంతినే.