2023 World Cup Knockout Tickets :భారత క్రికెట్ బోర్డు ( బీసీసీఐ) క్రికెట్ ఫ్యాన్స్కు గుడ్న్యూస్ చెప్పింది. 2023 వరల్డ్కప్ నాకౌట్ మ్యాచ్ల టికెట్లను.. మరికొన్ని గంటల్లో అమ్మనున్నట్లు అధికారికంగా పేర్కొంది. ఈ క్రమంలో రెండు సెమీస్, ఫైనల్తో కలిపి మూడు మ్యాచ్లకు సంబంధించిన టికెట్లు నవంబర్ 9 గురువారం రాత్రి 8.00 గంటల నుంచి (https://tickets.cricketworldcup.com.) వెబ్సైట్లో అందుబాటులో ఉండనున్నాయి.
1st సెమీఫైనల్.. మెగాటోర్నీలో నాలుగు జట్ల మధ్య రెండు సెమీఫైనల్ మ్యాచ్లు జరగనున్నాయి. సెమీస్లో గెలిచిన జట్లు ఫైనల్స్కు చేరుకుంటాయి. ఈ క్రమంలో పాయింట్ల పట్టికలో తొలి, నాలుగో స్థానంలో ఉన్న రెండు జట్లు సెమీ ఫైనల్ 1లో తలపడతాయి. ఈ మ్యాచ్ నవంబర్ 15న ముంబయి వాంఖడే వేదికగా జరగనుంది.
2nd సెమీఫైనల్.. పాయింట్ల పట్టికలో రెండు, మూడు ప్లేస్లో ఉన్న జట్లు సెమీఫైనల్ 2 ఆడనున్నాయి. ఈ మ్యాచ్.. నవంబర్ 16న జరగనుంది. ఈ సమరానికి కోల్కతా ఈడెన్ గార్డెన్స్ వేదికకానుంది.
ఫైనల్..రెండు సెమీస్లో గెలిచిన జట్లు.. నవంబర్ 19 ఆదివారం రోజున మెగాఫైనల్లో తలపడనున్నాయి. అహ్మదాబాద్ నరేంద్రమోదీ స్టేడియం వేదికగా ఈ మ్యాచ్ జరగనుంది.