థాయిలాండ్​ మాస్టర్స్​లో ముగిసిన భారత్​ పోరు

థాయిలాండ్​ వేదికగా జరుగుతున్న బాడ్మింటన్​ మాస్టర్స్​లో.. భారత ఆటగాళ్లు తీవ్రంగా నిరాశపర్చారు. తొలి రౌండ్​ దాటకుండానే మహిళల సింగిల్స్​లో సైనా నెహ్వాల్​, పురుషుల విభాగంలో నలుగురు స్టార్​ ఆటగాళ్లు ఇంటిముఖం పట్టారు.

బ్యాడ్మింటన్​ ఛాంపియన్​షిప్​ 'థాయిలాండ్​ మాస్టర్స్​-2020'లో భారత్​ కథ ముగిసింది. మెగా టోర్నీలో అడుగుపెట్టిన స్టార్​ షట్లర్లంతా తొలి రౌండ్​లోనే ఓడిపోయారు.

సైనా మరో ఓటమి...
బుధవారం జరిగిన మహిళల సింగిల్స్​ తొలి​ రౌండ్​లో సైనా నెహ్వాల్​ పరాజయం పాలైంది. 47 నిమిషాల పాటు సాగిన ఆటలో 13-21, 21-17, 15-21 తేడాతో డెన్మార్క్​ క్రీడాకారిణి లైన్​ కార్స్​​ఫెల్డ్​పై పోరాడి ఓడింది. తొలి సెట్​లో ఓడిపోయిన తెలుగమ్మాయి.. రెండో సెట్​లో గట్టి పోటీనిచ్చి సెట్​ గెలిచింది. అయితే నిర్ణయాత్మక మూడో సెట్​లో మాత్రం చేతులెత్తేసింది. ఫలితంగా ఈ ఏడాది మరో ఓటమిని ఖాతాలో వేసుకుంది సైనా.

ఇదే రోజున భారత పురుషుల షట్లర్లు​ సమీర్​ వర్మ, కిదాంబి శ్రీకాంత్​, ప్రణయ్​ టోర్నీ నుంచి నిష్క్రమించారు. తొలి రౌండ్​లోనే అందరూ ఓటమిపాలయ్యారు.

ఇదీ చూడండి.. కిదాంబి శ్రీకాంత్.. తొలి రౌండ్​లోనే నిష్క్రమణ