ప్రపంచ ఛాంపియన్​షిప్​ ఫైనల్​కు పీవీ సింధు

బీడబ్ల్యూఎఫ్ ప్రపంచ ఛాంపియన్​షిప్​ సెమీస్​లో చైనాకు చెందిన చెన్​ను ఓడించి ఫైనల్​లో అడుగుపెట్టింది భారత స్టార్ ప్లేయర్​ పీవీ సింధు. ఆదివారం తుదిపోరు జరగనుంది.

భారత స్టార్ బాడ్మింటన్ క్రీడాకారిణీ పీవీ సింధు.. స్విట్జర్లాండ్​లో జరుగుతున్న ప్రపంచ ఛాంపియన్​షిప్​ ఫైనల్​లోకి దూసుకెళ్లింది. ఈ పోటీల్లో తుదిపోరుకు అర్హత సాధించడం సింధుకు ఇది మూడోసారి.

శనివారం జరిగిన సెమీఫైనల్లో ఆల్​ ఇంగ్లాండ్​ ఛాంపియన్​ చెన్ యు ఫై(చైనా)ను 21-7, 21-14 పాయింట్ల తేడాతో ఓడించింది సింధు. 40 నిమిషాల్లోనే ఈ గేమ్​ పూర్తయింది. ఆదివారం జరిగే తుదిపోరులో రచనోక్ లేదా ఒకుహరాతో తలపడనుంది.

గత రెండు సీజన్లలోనూ ఇదే టోర్నీలో వెండి పతకాల సాధించింది సింధు. తొలి నుంచి దూకుడుగా ఆడిన సింధు.. ప్రత్యర్థికి అవకాశం ఇవ్వకుండా మ్యాచ్​ను చేజిక్కుంచుకుంది.

ఇది చదవండి: 36 ఏళ్లనాటి రికార్డ్ బ్రేక్​ చేసిన సాయి ప్రణీత్