సింధు చేతుల మీదుగా 'యువ దసరా క్రీడలు'​

ప్రపంచ బ్యాడ్మింటన్​ ఛాంపియన్​ పీవీ సింధు.. కర్ణాటకలోని మైసూరు దసరా ఉత్సవాలకు హాజరైంది. ఆ రాష్ట్ర ముఖ్యమంత్రి బీఎస్​ యడియూరప్పతో కలిసి ఈ ఏడాది 'యువ దసరా స్పోర్ట్స్​ ఈవెంట్​'ను ఆవిష్కరించింది.

ప్రపంచ బ్యాడ్మింటన్​ ఛాంపియన్​ పీవీ సింధు... కర్ణాటకలోని మైసూరు దసరా ఉత్సవాల్లో పాల్గొంది. ఈ సందర్భంగా ముఖ్యమంత్రి యడియూరప్పతో కలిసి నజార్​బాద్​లోని చాముండి విహార్​ స్టేడియంలో రాష్ట్రస్థాయి దసరా క్రీడలను ప్రారంభించింది. తర్వాత మహారాజా కళాశాల మైదానంలో యువ దసరా వేడుకలో పాల్గొంది.

వేదికపై యడియూరప్ప, సింధు

తొమ్మిది రోజుల పాటు ఉత్సవాలు

కర్ణాటక ప్రభుత్వం జరిపే మైసూరు దసరా ఉత్సవాలకు ప్రపంచవ్యాప్తంగా ఎంతో గుర్తింపు ఉంది. ఈ సంబరాలు చూసేందుకు దేశ, విదేశాల నుంచి లక్షల సంఖ్యలో ప్రజలు తరలి వస్తారు. కర్ణాటక సంప్రదాయం, సంస్కృతి, కళలకు నిదర్శనంగా తొమ్మిది రోజులు పాటు ఈ ఉత్సవాలు జరుగుతాయి. ఈ ఏడాది జరగనున్న ఉత్సవాలు 410వ సంవత్సరం జరుగుతున్నట్లు అధికారులు తెలిపారు.