ఇటీవలే ప్రపంచ ఛాంపియన్షిప్లో విజేతగా నిలిచి... ఆ ఘనత సాధించిన తొలి భారత షట్లర్గా అవతరించింది పీవీ సింధు. ఇప్పుడు మరో పతకం దక్కించుకుని సీజన్ ముగించాలని చూస్తోంది. మంగళవారం ప్రారంభమయ్యే చైనా ఓపెన్లో సత్తా చాటాలని ఆశిస్తోంది.
మరో పతకంపై కన్నేసిన సింధు
తన తొలి మ్యాచ్లో చైనాకు చెందిన లీ యురైతో తలపడనుంది సింధు. ప్రస్తుతం 20వ ర్యాంకులో ఉన్న లీకి.. సింధుపై 3-3 రికార్డు ఉంది. ఈ ఏడాది ఇప్పటికే ఇండోనేషియా మాస్టర్స్లో ఈ క్రీడాకారిణిని ఓడించిన సింధుకు ఈ మ్యాచ్ కష్టం కాకపోవచ్చు. ఇందులో ఆమె గెలిస్తే, అనంతరం మిచెల్లీ లీతో ఆడనుంది. అన్ని మ్యాచ్లు సవ్యంగా సాగి, సింధు విజయాలు సాధిస్తే క్వార్టర్స్లో మూడో సీడ్ ప్లేయర్ చెన్ యూఫీతో పోటీ పడొచ్చు.
సైనా ఈ సారైనా కొట్టేనా..!
ప్రపంచ 8వ ర్యాంకర్ సైనా నెహ్వాల్.. గాయాల నుంచి కోలుకుని ఈ టోర్నీకి సిద్ధమైంది. ఈ సీజన్లో ఇప్పటికే ఇండోనేషియా మాస్టర్స్ టైటిల్ నెగ్గిన ఈ షట్లర్... ఇందులోనూ రాణించాలని చూస్తోంది. తొలి రౌండ్లో థాయ్లాండ్కు చెందిన బుసనన్తో తలపడనుంది సైనా. మాజీ ప్రపంచ ఛాంపియన్ తైజు యింగ్తో క్వార్టర్స్లో పోటీ పడనుంది.
స్టార్ షట్లర్లు పునరాగమనం
వరల్డ్ టూర్ సీజన్లో చైనా ఓపెన్ చివరి సూపర్ 1000 ఈవెంట్. గాయాల నుంచి కోలుకున్న ప్రముఖ షట్లర్లు కరోలినా మారిన్, విక్టర్ ఆలెక్సన్ ఈ టోర్నీతో తిరిగి కోర్టులో అడుగుపెట్టనున్నారు.
గాయాల కారణంగా భారత ఆటగాళ్లు కిదాంబి శ్రీకాంత్, ప్రణయ్.. ఇప్పటికే ఈ టోర్నీ నుంచి తప్పుకున్నారు. అందరి కళ్లు సాయి ప్రణీత్పైనే ఉన్నాయి. ప్రపంచ ఛాంపియన్షిప్లో 36 ఏళ్ల తర్వాత పతకం సాధించాడు. ఇప్పుడు చైనా ఓపెన్లోనూ రాణించాలని చూస్తున్నాడు.
ఇది చదవండి: పద్మభూషణ్కు సింధు.. పద్మవిభూషణ్కు మేరీకోమ్
