థాయ్లాండ్ ఓపెన్లో భారత్కు గురువారం మిశ్రమ ఫలితాలు ఎదురయ్యాయి. ప్రముఖ బ్యాడ్మింటన్ క్రీడాకారులు సైనా నెహ్వాల్, కిదాంబి శ్రీకాంత్.. రెండో రౌండ్లోనే ఓడి టోర్నీ నుంచి నిష్క్రమించారు. మరో ఆటగాడు సాయి ప్రణీత్ మాత్రం క్వార్టర్స్లోకి అడుగుపెట్టాడు.
ఏడో సీడ్ సైనా నెహ్వాల్.. జపాన్కు చెందిన సయాకా తకాషి చేతిలో 21-16, 11-21, 14-21 పాయింట్ల తేడాతో ఓడిపోయింది.
ఐదో సీడ్ శ్రీకాంత్.. థాయ్లాండ్కు చెందిన కోషిట్ పెత్ప్రదాబ్ చేతిలో 21-11, 16-21, 12-21 పాయింట్ల తేడాతో ఓటమి పాలై ఇంటిముఖం పట్టాడు. ఇతడి బాటలోనే పారుపల్లి కశ్యప్.. చైనీస్ తైపీ క్రీడాకారుడు చౌ టైన్ చెన్ చేతిలో ఓడిపోయాడు.