హాంకాంగ్ ఓపెన్​ నుంచి సైనా, సమీర్ ఔట్

హాంకాంగ్ ఓపెన్​లో భారత షట్లర్లు సైనా నెహ్వాల్, సమీర్ వర్మ తొలి రౌండ్లోనే నిష్క్రమించారు. చైనాకు చెందిన కై చేతిలో సైనా పరాజయం చెందగా.. చైనీస్ తైపీ షట్లర్ వాంగ్​పై సమీర్ ఓడాడు.

ఇటీవల చైనా ఓపెన్​లో తొలిరౌండ్లోనే ఇంటిముఖం పట్టిన సైనా నెహ్వాల్.. హాంకాంగ్ ఓపెన్​లోనూ సత్తాచాటలేకపోయింది. బుధవారం జరిగిన మహిళల సింగిల్స్​ తొలిరౌండ్లో చైనీస్ యువక్రీడాకారిణి కై యన్ యన్​ చేతిలో పరాజయం పాలై టోర్నీ నుంచి నిష్క్రమించింది.

తన కంటే తక్కువ ర్యాంకులో ఉన్న ప్రత్యర్థిపై 21-13, 22-20 తేడాతో వరుస సెట్లలో ఓడింది. కేవలం 30 నిమిషాల్లోనే మ్యాచ్​ ముగించింది చైనీస్ టీనేజర్. తొలి సెట్లో పెద్దగా ఆకట్టుకోని సైనా.. రెండో గేమ్​లో పోరాడినప్పటికీ విజయం ప్రతర్థికే దక్కింది.

పురుషుల సింగిల్స్​లో సమీర్ వర్మ.. చైనీస్ తైపీ షట్లర్ వాంగ్ జూ వీ చేతిలో పరాజయం చెందాడు. 11-21, 21-13, 21-8 తేడాతో టోర్నీ నుంచి నిష్క్రమించాడు. తొలి రౌండ్లోనే ఇంటిముఖం పట్టడం సమీర్​కు వరుసగా ఇది మూడోసారి.

ఇదీ చదవండి: భారత్​xబంగ్లా టెస్టుకు ప్రత్యేక అతిథులు