ఒలింపిక్స్​లో పతకం సాధించడమే లక్ష్యం: సైనా నెహ్వాల్​

హైదరాబాద్​ బంజారాహిల్స్​లోని పీఎంజే జ్యూవెలర్స్​లో బ్యాడ్మింటన్​ క్రీడాకారిణి సైనా నెహ్వాల్​ సందడి చేశారు. నూతన కలెక్షన్లను ఆమె ఆవిష్కరించారు. అనంతరం విభిన్న డిజెన్లలలో రూపొందించిన గాజులను ఆమె తిలకించారు.

ఒలింపిక్స్‌లో పతకం సాధించాలనే లక్ష్యంతో టోర్నమెంట్‌కు సిద్ధమవుతున్నట్లు ప్రముఖ బ్యాడ్మింటెన్‌ క్రీడాకారిణి సైనా నెహ్వాల్‌ తెలిపారు. హైదరాబాద్‌ బంజారాహిల్స్‌లోని ఓ జ్యూవెలర్స్​ స్టోర్​లో నూతన కలెక్షన్లను సైనా ఆవిష్కరించారు. డైమండ్‌ జ్యూవెలరీ అంటే తనకు ఇష్టమని వెల్లడించారు. ఫ్యాషన్‌ ఎప్పుడూ సౌకర్యవంతంగా, ఎదుటివారికి నచ్చే విధంగా ఉండాలని సూచించారు.

టోక్యో ఒలింపిక్స్​ కోసం ప్రత్యేకంగా సిద్ధమవుతున్నట్లు సైనా వివరించారు. కరోనా జాగ్రత్తలు తీసుకుంటూనే శిక్షణ సాగించనున్నట్లు తెలిపారు.

ఇదీ చదవండి:రేపు సిద్దిపేట జిల్లాలో సీఎం కేసీఆర్ పర్యటన