కేరళ టూర్​లో సింధు... రూ.10 లక్షల బహుమానం!

బ్యాడ్మింటన్ ప్లేయర్ పీవీసింధు.. కేరళలోని ప్రముఖ అనంత పద్మనాభస్వామి, అట్టుక్కల్ భగవతి ఆలయాలను సందర్శించింది. అనంతరం ఈ షట్లర్​కు నగదు ప్రోత్సాహకం అందించింది ఆ రాష్ట్ర ఒలింపిక్ సంఘం.

ప్రస్తుతం కేరళలో ఉన్న స్టార్ షట్లర్ పీవీ సింధు.. సంప్రదాయ దుస్తుల్లో మెరిసింది. ప్రసిద్ధిగాంచిన అనంత పద్మనాభస్వామి, అట్టుక్కల్ భగవతి ఆలయాలను ఈరోజు సందర్శించింది. ఆమెతో పాటు తల్లి విజయ కూడా ఉన్నారు.

అనంతరం తిరువనంతపురంలో జరిగిన కార్యక్రమంలో కేరళ ఒలింపిక్ సంఘం అధ్యక్షుడు సునీల్ కుమార్.. సింధుకు రూ.10 లక్షల చెక్కును అందజేశారు. ఇటీవల ప్రపంచ ఛాంపియన్​షిప్​లో ఈ షట్లర్​ స్వర్ణ పతకం సాధించడమే ఇందుకు కారణం. సింధు కేరళకు రావడం ఇది రెండోసారి. 2016 ఒలింపిక్స్​లో రజతం గెలిచిన తర్వాత తొలిసారి ఇక్కడికి వచ్చింది.

పీవీ సింధుకు నగదు పురస్కారం ప్రదానం

ఇది చదవండి: బతుకమ్మ సంబురాల్లో ప్రత్యేక ఆకర్షణగా పీవీ సింధు