ఈ ఏడాది మన షట్లర్లకు పెద్దగా కలిసిరావడం లేదు. ఫ్రెంచ్, చైనా ఓపెన్లలో భారత క్రీడాకారులు ఆదిలోనే వెనుదిరిగారు. ఈ విషయంపై జాతీయ బ్యాడ్మింటన్ కోచ్ పుల్లెల గోపీచంద్ స్పందించారు. వారిపై ఒత్తిడి ఉందని తెలిపాడు. క్రీడాకారులకు తన అవసరం ఉన్నందునే కోచ్గా కొనసాగుతున్నట్లు చెప్పాడు.
"నిజాయతీగా చెప్పాలంటే కోచ్ పదవి నాకు భారంగా, బాధ్యతగా అనిపిస్తుంది. ఇంత గొప్ప ప్రదర్శనల్ని విడిచి వెళ్లలేను. క్రీడాకారులకు నా అవసరం ఉంది. అంతర్గతంగా అది నాపై భారమే. అందుకే కోచ్ విధుల్లో పూర్తిగా నిమగ్నమయ్యా. నా వారసుడి గురించి కూడా ఆలోచించలేదు."
-పుల్లెల గోపీచంద్, బ్యాడ్మింటన్ కోచ్