బ్యాడ్మింటన్ బాగా ఆడేందుకు తన తండ్రి నుంచి లభించిన ప్రేరణే కారణమని ప్రముఖ షట్లర్ పీవీ సింధు చెప్పింది. బ్యాంక్ ఆఫ్ బరోడా ఇన్స్టా ఖాతా ద్వారా పలు అంశాల గురించి మాట్లాడింది. క్రీడలను ఎంచుకోవడానికి కారణం ఏమిటి? అన్న ప్రశ్నకు.. "నేను బ్యాడ్మింటన్ను కెరీర్గా ఎంచుకున్నప్పుడు నా తల్లిదండ్రులు అడ్డు చెప్పలేదు" అని తెలిపింది.
సింధు షట్లర్ కావడానికి కారణం ఆ వ్యక్తి!
తాను బ్యాడ్మింటన్ కోర్టులో ఉన్నప్పుడు ఎదుటివారిపై కాకుండా తన ఆటపై దృష్టి పెడతానని చెప్పింది పీవీ సింధు. ఈ ఆటను కెరీర్గా ఎంచుకోవడానికి తన తండ్రే కారణమని తెలిపింది.
సింధు బ్యాడ్మింటన్ ఎంచుకోవడానికి ప్రేరణ అతనే!
షట్లర్ కాకపోయి ఉంటే మీరు ఏమయ్యేవారు అని అడగ్గా.. చిన్ననాటి నుంచి తాను డాక్టర్ అయ్యేదానిని వెల్లడించింది. ప్రస్తుతం బ్యాడ్మింటన్ కెరీర్ బాగుందని తెలిపింది.
లాక్డౌన్లో కుటుంబంతో కలిసి సమయాన్ని ఆస్వాదించడం సహా ఇంటి పనులు కూడా నేర్చుకున్నట్లు సింధు చెప్పింది. కరోనా వల్ల, భవిష్యత్లో ప్రేక్షకులు లేకుండా మ్యాచ్లు ఆడేందుక ఆటగాళ్లందరూ సిద్ధంగా ఉండాలని సూచించింది. కోర్టులో ఉన్నప్పుడు తన గురించి, తనపై ఉన్న అంచనాలపై దృష్టి పెడతానని వెల్లడించింది. ప్రత్యర్థుల గురించి ఆలోచించడం వల్ల మనలో ఒత్తిడి పెరుగుతుందని తెలిపింది.