పీవీ సింధుకు గౌరవం.. బ్రాండ్​ అంబాసిడర్​గా ఎంపిక

'బిలీవ్​ ఇన్​ స్పోర్ట్స్'​ కార్యక్రమానికి స్టార్ షట్లర్ పీవీ సింధు బ్రాండ్ అంబాసిడర్​గా ఎంపికైంది. ఈ విషయాన్ని ప్రపంచ బ్యాడ్మింటన్ సమాఖ్య వెల్లడించింది.

భారత స్టార్​ షట్లర్​ పీవీ సింధు, మిచెల్లీ లి(కెనడా) లకు అరుదైన గౌరవం దక్కింది. అంతర్జాతీయ ఒలింపిక్​ కమిటీ నిర్వహిస్తున్న 'బిలీవ్​ ఇన్​ స్పోర్ట్స్'​ కార్యక్రమానికి బ్రాండ్​ అంబాసిడర్లుగా వీరు ఎంపికయ్యారు. ఈ విషయాన్ని ప్రపంచ బ్యాడ్మింటన్ సమాఖ్య​​​ తెలిపింది. ఈ గౌరవం తనకు దక్కడంపై సింధు హర్షం వ్యక్తం చేసింది. గతేడాది ఏప్రిల్​లో 'ఐ యామ్​ బ్యాడ్మింటన్​' క్యాంపైన్​కు వీరిద్దరూ బ్రాండ్​ అంబాసిడర్​గా ఎంపికయ్యారు.

2018లో 'బిలీవ్​ ఇన్​ స్పోర్ట్స్' క్యాంపైన్​ను ప్రారంభించారు. పోటీల్లో జరిగే అవకతవకలు పట్ల అథ్లెట్స్​, కోచ్​లు సహా ఇతర అధికారులకు దీని ద్వారా అవగాహన కల్పిస్తారు.

ఇదీ చూడండి: 'మన్​ కీ బాత్'​: మిథాలీ, సింధుపై మోదీ ప్రశంసలు