భారత స్టార్ షట్లర్, ప్రపంచ ఛాంపియన్ పీవీ సింధు.. మలేసియా మాస్టర్స్ సూపర్ 500 టోర్నీ నుంచి నిష్క్రమించింది. కౌలాలంపూర్లో జరిగిన ఈ మ్యాచ్లో చైనీస్ తైపీ క్రీడాకారిణి తైజుంగ్ చేతిలో 21-16, 21-16 తేడాతో ఓడిపోయింది.
'మలేసియా మాస్టర్స్' నుంచి సింధు ఔట్ - World No.1 Sindhu
'మలేసియా మాస్టర్స్' క్వార్టర్స్లో ప్రముఖ బ్యాడ్మింటన్ క్రీడాకారిణి పీవీ సింధు ఓడిపోయింది. తైజుంగ్ చేతిలో వరుస సెట్లలో ఓటమిపాలైంది.
బ్యాడ్మింటన్ క్రీడాకారిణి పీవీ సింధు
సింధుకి, తైజుంగ్ చేతిలో ఇది వరసగా రెండో ఓటమి.. గత అక్టోబరులో ఫ్రెంచ్ ఓపెన్లో ఈమెపైనే ఓడిపోయింది సింధు. వీరిద్దరూ ఇప్పటివరకు 17సార్లు తలపడగా 12 సార్లు తైజుంగ్, 5 సార్లు పీవీ గెలిచింది.
ఈరోజు జరిగిన మ్యాచ్లో తొలి సెట్లో సింధు కొంత ప్రతిఘటించినా, 21-16 తేడాతో కోల్పోయింది. రెండో సెట్లో ప్రత్యర్థి షట్లర్ పూర్తి ఆధిపత్యం చెలాయించడం వల్ల అందులోనూ ఓటమిపాలై మ్యాచ్ను పోగుట్టుకుంది.