చైనా ఓపెన్లో భారత షట్లర్లు వరుసగా ఇంటిముఖం పడుతున్నారు. ఇప్పటికే పీవీ సింధు తొలి రౌండ్లోనే టోర్నీ నుంచి నిష్క్రమించగా.. మరో స్టార్ క్రీడాకారిణి సైనా నెహ్వాల్ ఓడిపోయింది. మహిళల సింగిల్స్ విభాగంలో చైనాకు చెందిన కై యాన్ యన్ చేతిలో పరాజయం పాలైంది.
9-21, 12-21 తేడాతో వరుస సెట్లలో ఓడింది సైనా. ఎలాంటి ప్రతిఘటన లేకుండానే ప్రత్యర్థి విజయం సాధించింది. కేవలం 24 నిమిషాల్లోనే మ్యాచ్ ముగిసింది. రెండు సెట్లలోనూ చైనా షట్లరే ఆధిపత్యం చెలాయించింది.
పురుషుల సింగిల్స్లో పారుపల్లి కశ్యప్ రెండో రౌండ్కు చేరుకున్నాడు. థాయిలాండ్కు చెందిన సిట్టికోమ్పై విజయం సాధించాడు. 21-14, 21-3 తేడాతో వరుస సెట్లలో నెగ్గాడు. 43 నిమిషాల్లోనే మ్యాచ్ను ముగించాడు. తర్వాతి రౌండ్లో డెన్మార్క్ క్రీడాకారుడు విక్టర్ అక్సెల్సన్ను ఢీకొట్టనున్నాడు.
మిక్స్డ్ డబుల్స్ జోడీ ప్రణవ్ జెర్రీ - సిక్కి రెడ్డి చైనీస్ తైపీ ద్వయం వాంగ్ చీ లిన్ - చెంగ్ చీ యా చేతిలో పరాజయం పాలైంది. 14-21, 14-21 తేడాతో టోర్నీ నుంచి నిష్క్రమించిందీ జోడీ.
ఇదీ చదవండి: 'రెండో టీ20పై ఆత్మవిశ్వాసంతో ఉన్నాం'