లిథువేనియా బ్యాడ్మింటన్​ టోర్నీ విజేతగా మాల్విక

ఆర్​ఎస్​ఎల్​ లిథువేనియా అంతర్జాతీయ బ్యాడ్మింటన్​ టోర్నీలో భారత షట్లర్​ మాల్వికా బన్సోడ్​ సత్తా చాటింది. ఆదివారం టోర్నీలో జరిగిన తుదిపోరులో రాచెల్​ డరాగ్​(ఐర్లాండ్​)ను ఓడించి విజేతగా నిలిచింది.

లిథువేనియా వేదికగా జరిగిన ఆర్​ఎస్​ఎల్​ అంతర్జాతీయ బ్యాడ్మింటన్​ టోర్నీలోని మహిళల సింగిల్స్​ విభాగంలో భారత షట్లర్​ మాల్వికా బన్సోడ్​ విజేతగా నిలిచింది. ఆదివారం జరిగిన టోర్నీ ఫైనల్​లో ఐర్లాండ్​కు చెందిన రాచెల్​ డరాగ్​ను 21-14, 21-11 తేడాతో ఓడించి స్వర్ణ పతకాన్ని గెలుచుకుంది.

గతనెలలో జరిగిన ఆస్ట్రియన్​ ఓపెన్​లో పతకాన్ని చేజార్చుకున్న మాల్వికా.. అంతకుముందు ఉగాండాలో బంగారు పతకాన్ని సాధించింది. ఆరు నెలల వ్యవధిలో ఆమెకిది రెండో స్వర్ణం కావడం విశేషం. ఆగస్టులో జరగనున్న మరో అంతర్జాతీయ టోర్నీలో మాల్విక పాల్గొననుంది.

ఇదీ చూడండి..Olympics: 'కోచ్​లు, ఫిజియోల సంఖ్యను పెంచండి'