మలేసియా ఓపెన్(2021)ను ప్రపంచ బ్యాడ్మింటన్ సమాఖ్య(బీడబ్ల్యూఎఫ్) వాయిదా వేసింది. మే 25-30 మధ్య జరగాల్సిన టోర్నీని వాయిదా వేస్తున్నట్లు మలేసియా బ్యాడ్మింటన్ అసోసియేషన్(బీఏఎమ్), బీడబ్ల్యూఎఫ్ సంయుక్తంగా ప్రకటించాయి. ప్రపంచవ్యాప్తంగా కరోనా మహమ్మారి విజృంభిస్తున్న తరుణంలో టోర్నీని వాయిదా వేయాలని నిర్ణయించినట్లు తెలుస్తోంది.
అయితే మలేసియా ఓపెన్-2021 అనే సూపర్ 750 ఈవెంట్ను ఒలింపిక్స్ క్వాలిఫయర్స్గా ప్రపంచ బ్యాడ్మింటన్ సమాఖ్య షెడ్యూల్ చేసింది. ఈ నేపథ్యంలో ఈ టోర్నీ తిరిగి ఎప్పుడు నిర్వహిస్తారనే దానిపై త్వరలోనే బీడబ్ల్యూఎఫ్ నిర్ణయించనుంది.
ఆశలు ఆవిరి..
మలేసియా ఓపెన్ వాయిదా పడడం వల్ల ఒలింపిక్స్కు అర్హత సాధించాలన్న భారత షట్లర్లు సైనా నెహ్వాల్, కిదాంబి శ్రీకాంత్ ఆశలు ఆవిరయ్యాయి. టోక్యో ఒలింపిక్స్కు అర్హత సాధించేందుకు వారికి ఇదే చివరి అవకాశం. వీరితో పాటు డబుల్స్లో సిక్కి రెడ్డి, అశ్విని పొన్నప్పలూ అర్హత పొందాల్సిఉంది.
ఒకవేళ ఒలింపిక్స్ ప్రారంభానికి ముందు ఈ టోర్నీ రీషెడ్యూల్ చేస్తే ఒలింపిక్స్కు ఆడే అవకాశం ఉంది. మరోవైపు భారత్లో ప్రస్తుతం కరోనా విజృంభిస్తున్న నేపథ్యంలో ఇక్కడి నుంచి వెళ్లే విమానాలపై సింగపూర్ నిషేధం విధించింది.
అయితే టోక్యో ఒలింపిక్స్ సింగిల్స్ విభాగంలో భారత షట్లర్లు పీవీ సింధు, సాయి ప్రణీత్.. డబుల్స్లో చిరాగ్ శెట్టి, సాత్విక్ సాయిరాజ్ రంకిశెట్టి అర్హత సాధించారు.
ఇదీ చూడండి:'టీ20 ప్రపంచకప్ భారత్లో నిర్వహించకపోవడమే మంచిది!'
