ప్రముఖ బ్యాడ్మింటన్‌ క్రీడాకారిణి గుత్తా జ్వాల.. హైదరాబాద్లో క్రీడా అకాడమీని ఏర్పాటు చేశారు. 'గుత్తా జ్వాల అకాడమీ ఆఫ్‌ ఎక్స్‌లెన్స్‌' పేరుతో ప్రారంభంచనున్నట్లు ఆమె ప్రకటించారు. ఇందుకు సంబంధించిన లోగోను దిల్లీలో కేంద్ర మాజీ మంత్రి రాజీవ్‌ ప్రతాప్‌రూడీ, బాక్సర్‌ విజేందర్‌సింగ్‌, రెజ్లర్‌ సుశీల్‌కుమార్‌ ఆవిష్కరించారు. తొలుత 14 బ్యాడ్మింటన్‌ కోర్టులతో అకాడమీని ప్రారంభించనున్నారు. తర్వాత మిగిలిన కొన్ని క్రీడలకు మైదానాలు ఏర్పాటు చేసి అకాడమీ ద్వారా శిక్షణ అందించనున్నారు.
"అమ్మానాన్నల ప్రోత్సాహంతో హైదరాబాద్‌లోని మొయినాబాద్‌ సుజాత విద్యాసంస్థలో అకాడమీ ఏర్పాటు చేశా. విశాలమైన మైదానంలో అత్యాధునిక సదుపాయాలతో ఏర్పాటైంది. క్రీడాకారుల్లోని నైపుణ్యాన్ని వెలికితీసేలా శిక్షణ ఇస్తాం. నైపుణ్యం ఉన్నవాళ్లకు మా అకాడమీలో తప్పకుండా ప్రాధాన్యం ఉంటుంది. బ్యాడ్మింటన్‌ తర్వాత స్మిమ్మింగ్‌, క్రికెట్‌, వాలీబాల్‌, ఫుట్‌బాల్‌, బాస్కెట్‌ బాల్‌ సహా పలు క్రీడల్లో శిక్షణ ఇస్తాం" -గుత్తా జ్వాల, ప్రముఖ షట్లర్