జపాన్​ ఓపెన్​: సెమీస్​లో అడుగుపెట్టిన సాయి ప్రణీత్​

భారత స్టార్​ షట్లర్​ సాయి ప్రణీత్​ జపాన్​ ఓపెన్​లో దూసుకెళ్తున్నాడు. శుక్రవారం జరిగిన క్వార్టర్​ ఫైనల్​ మ్యాచ్​లో  టామీ సుగెర్టో(ఇండోనేషియా) ఓడి సెమీస్​లో అడుగుపెట్టాడు. ఈ మ్యాచ్​ను 36 నిముషాల్లోనే ముగించడం విశేషం.

బ్యాడ్మింటన్​ ఆటగాడు సాయి ప్రణీత్​ జపాన్​ ఓపెన్ సెమీఫైనల్లో అడుగుపెట్టాడు. శుక్రవారం జరిగిన క్వార్టర్​ ఫైనల్​ మ్యాచ్​లో ఇండోనేషియా ఆటగాడు టామీ సుగెర్టోను 21-12, 21-15 తేడాతో వరుస సెట్లలో గెలిచాడు. ప్రణీత్​ జోరుకు 36 నిముషాల్లోనే ఆట ముగిసింది.

తొలి సెట్​లో ప్రణీత్​ స్మాష్​లకు ప్రత్యర్థి టామీ నిలవలేకపోయాడు. రెండో సెట్​లో పొటీ ఇచ్చేందుకు కాస్త ప్రయత్నించినా విజయం 26 ఏళ్ల తెలుగు క్రీడాకారుడినే వరించింది.

నేడే సింధు పోరు..

ఇదే టోర్నీలో జపాన్​ క్రీడాకారిణి ఒహోరిని ఓడించి సింధు క్వార్టర్స్​ చేరింది. నేడు అకానే యమగూచి(జపాన్​)తో తలపడనుంది. డబుల్స్​ జోడీ సాత్విక్​, రాంకీ రెడ్డి... ఈరోజు తకేషి కమురా, కేగో సొనొడా(జపాన్​)ద్వయంతో పోటీపడనున్నారు.

ఇదీ చూడండి...2020 విశ్వక్రీడల్లో వీరిపైనే అందరి ఆశలు..!