ఇంగ్లాండ్​ టోర్నీకి లైన్ క్లియర్- భారత షట్లర్లకు నెగెటివ్

ఆల్​ ఇండియా ఓపెన్​లో ఆడటానికి భారత షట్లర్లు సిద్ధమయ్యారు. రెండో దఫా నిర్వహించిన కొవిడ్ టెస్టులో ముగ్గురు ఇండియా ఆటగాళ్లతో పాటు సహాయక సిబ్బందికి నెగెటివ్ నివేదిక వచ్చినట్లు ప్రపంచ బ్యాడ్మింటన్ సమాఖ్య ధ్రువీకరించింది.

ఆల్​ ఇంగ్లాండ్ ఓపెన్​లో పాల్గొనడానికి భారత బ్యాడ్మింటన్​ ఆటగాళ్లు సిద్ధమయ్యారు. కొవిడ్ సోకినట్లుగా భావిస్తున్న షట్లర్లతో పాటు సహాయ సిబ్బందికి.. ప్రపంచ బ్యాడ్మింటన్ సమాఖ్య(డబ్ల్యూబీఎఫ్​) మరోసారి కరోనా పరీక్షలు నిర్వహించింది. ఈ దఫా వారందరికీ నెగెటివ్ రిపోర్టు వచ్చింది. దీంతో టోర్నీలో పాల్గొనడానికి భారత ప్లేయర్లకు మార్గం సుగమమైంది.

"భారత షట్లర్లలో ఏ ఒక్క ఆటగాడికీ కొవిడ్ సోకలేదు. ఆల్​ ఇంగ్లాండ్ ఓపెన్​కు మేము సిద్ధం" అని భారత జట్టు కోచ్‌ మథియాస్‌ బూ ఇన్​స్టాలో పేర్కొన్నాడు. "తదుపరి నిర్వహించిన పరీక్షల తర్వాత జట్టు సభ్యులందరికీ నెగెటివ్ రిపోర్టు వచ్చింది." అని ప్రపంచ బ్యాడ్మింటన్ సమాఖ్య, ఇంగ్లాండ్ బ్యాడ్మింటన్​ ధ్రువీకరించాయి.

ఇదీ చదవండి:ఆల్ ఇంగ్లాండ్ టోర్నీకి ముందు భారత్​కు ఎదురుదెబ్బ