'మయామి' తుదిపోరులో ఫెదరర్-ఇస్నర్ ఢీ..

స్విస్ దిగ్గజం ఫెదరర్... మయామి ఓపెన్ ఫైనల్​కు చేరాడు. సెమీఫైనల్లో డెనిస్​ షపోవలోవ్​ను వరుస సెట్లలో ఓడించి తుదిపోరుకు సిద్ధమయ్యాడు.

మయామి ఓపెన్​లో తనదైన ఆటతీరు ప్రదర్శించాడు స్విట్జర్లాండ్​ ఆటగాడు ఫెదరర్. సెమీస్​లో డెనిస్ షపోవలోవ్​ని 6-2,6-4 తేడాతో ఓడించి ఫైనల్​కు చేరాడు.

మరో సెమీ ఫైనల్లో అగర్ అలియాసిమేపై 7-6(7/3), 7-6 (7/4) తేడాతో గెలిచాడు జాన్ ఇస్నర్. గతేడాది విజేతగా నిలిచిన ఇస్నర్​కు అగర్ నుంచి గట్టి పోటీ ఎదురైంది. ఫైనల్లో ఫెదరర్​తో అమీతుమీ తేల్చుకోనున్నాడీ టెన్నిస్ స్టార్.

మయామీ ఓపెన్ సెమీఫైనల్లోకి ఇద్దరు యువ ఆటగాళ్లు ప్రవేశించడం 2007 తర్వాత ఇదే మొదటిసారి. కానీ వీరిద్దరూ ఫైనల్​కు చేరలేకపోయారు.

షపోవలోవ్ మంచి ఆటగాడని, భవిష్యత్తులో మరింత రాటుదేలుతాడని ఫెదరర్ ఆశాభావం వ్యక్తం చేశాడు.

ఇవీ చూడండి..ఇండియా ఓపెన్​లో భారత షట్లర్ల హవా