అంతర్జాతీయ నటి ప్రియాంక చోప్రా.. అమెజాన్ ప్రైమ్ వీడియోతో 'మల్టీమిలియన్ డాలర్' ఒప్పందం కుదుర్చుకుంది. రానున్న రెండేళ్లకుగాను పలు టీవీషోలు చేసిపెట్టనుందీ భామ. ఈ విషయమై ఆనందం వ్యక్తం చేస్తూ ఇన్స్టాలో పోస్ట్ పెట్టింది.
"మీతో(అభిమానులు) ఈ ఆనందకర విషయాన్ని పంచుకోవాలని అనుకుంటున్నాను. నాతో భాగస్వామిగా మారిన అమెజాన్ బృందానికి, అద్భుతమైన ప్రతిభను అందిస్తామని నన్ను నమ్మినందుకు చాలా పెద్ద థ్యాంక్స్" -ప్రియాంక చోప్రా, నటి-నిర్మాత
ఇప్పటికే బాలీవుడ్తో పాటు హాలీవుడ్లోనూ నటిస్తున్న ప్రియాంక చోప్రా.. 2015లో పర్పుల్ పెబ్బల్ పిక్చర్స్ పేరుతో ఓ నిర్మాణ సంస్థను స్థాపించింది. ఇందులో భాగంగా ప్రపంచవ్యాప్తంగా ఉన్న ప్రతిభావంతులైన నటుల్ని, అద్భుతమైన కథలను వీక్షకులకు అందిస్తానని చెప్పిందీ భామ. ఇన్నాళ్లు తనకు అండగా నిలిచిన అభిమానులకు ధన్యవాదాలు తెలిపింది ప్రియాంక.