ఓటీటీ ప్రియుల్ని అలరించేందుకు 'ద ఫ్యామిలీ మ్యాన్ 2' వెబ్ సిరీస్ సిద్ధమైంది. ఇటీవల వచ్చిన ట్రైలర్.. ప్రేక్షకుల్ని అలరిస్తుండగా, జూన్ 4 నుంచి సీజన్ అమెజాన్ ప్రైమ్లో అందుబాటులోకి రానుంది. అయితే ఇటీవల ఓ ఇంటర్వ్యూలో పాల్గొన్న దర్శక ద్వయం రాజ్ డీకే.. మూడో సీజన్ కూడా ఉంటుందని స్పష్టం చేశారు. ఇప్పుడు దానికి సంబంధించిన ఓ వార్త నెటిజన్లకు ఆసక్తి కలిగిస్తోంది.
'ద ఫ్యామిలీ మ్యాన్ 3'లో మరింత మంది స్టార్స్! - The Family Man 3 star actors
త్వరలో ప్రేక్షకుల ముందుకు రానున్న 'ద ఫ్యామిలీ మ్యాన్' సీజన్ రెండో భాగంపై ఇప్పటికే అంచనాలు భారీస్థాయిలో ఉన్నాయి. అయితే మూడో సీజన్లో మరింతమంది స్టార్స్ ఉండనున్నారనే వార్త ఇంకా ఆసక్తి కలిగిస్తోంది. వారు ఎవరై ఉంటారు అనే నెటిజన్లు తెగ చర్చించుకుంటున్నారు.
ద ఫ్యామిలీ మ్యాన్
తొలి భాగంలో మనోజ్ భాజ్పాయ్, ప్రియమణి ప్రధాన పాత్రల్లో నటించగా, రెండో సీజన్కు వచ్చేసరికి దక్షిణాది స్టార్ హీరోయిన్ సమంతను సిరీస్లోకి తీసుకొచ్చారు. ఇందులో ఆమె రాజీ అనే సూసైడ్ బాంబర్ పాత్ర పోషించింది. ట్రైలర్ చూసిన ఆమె అభిమానులు షాకయ్యారు. పూర్తి ఎపిసోడ్స్ చూస్తే ఇంకెంత ఆశ్చర్యపోతారో? అయితే మూడో సీజన్లో మరింత మంది స్టార్స్ కనిపించే అవకాశాలు ఎక్కువగా కనిపిస్తున్నాయి. వీటిపై క్లారిటీ రావాలంటే మరికొన్ని నెలల ఆగాల్సిందే.
ఇది చదవండి:ప్రియమణి పాత్రకు ఎఫైర్?.. సీజన్ 2లో సమాధానం