కిడ్నీ సమస్యతో మరో బుల్లితెర నటుడు మృతి

బాలీవుడ్​లో వరుస మరణాలు అభిమానుల్ని బాధపెడుతున్నాయి. టీవీ నటుడు ఆశీష్ రాయ్.. కిడ్నీ సంబంధిత సమస్యలతో మృతి చెందారు.

హిందీ బుల్లితెర నటుడు అశీష్​ రాయ్(55) మంగళవారం కన్నుమూశారు. ​మూత్రపిండాల సంబంధిత వ్యాధితో బాధపడుతూ మంగళవారం తుదిశ్వాస విడిచారు. ఇంతకు ముందే ఈ సమస్య ఉన్నప్పటికీ, లాక్​డౌన్​లోనే ఇది తీవ్రంగా బాధించిందని ఆయన సన్నిహితులు తెలిపారు. ఆశీష్​ మృతి వార్తను ముంబయి సినీ, టీవీ ఆర్టిస్ట్​ అసోసియేషన్​ సీనియర్​ జాయింట్​ సెక్రటరీ అమిత్​ బెహ్ల్​ ధ్రువీకరించారు.

బుల్లితెరలో 'మూవర్స్​ & షేకర్స్', 'యస్​ బాస్'​, 'రీమిక్స్​', 'బా బహూ ఔర్​ బేబీ', 'చల్ది డా నామ్​ గడ్డి', 'బ్యూరీ భీ హమ్ భలే భీ హమ్'​, 'సాసురల్​ సిమార్​ కా', 'కుచ్​ రంగ్​ ప్యార్​ కే ఐసే భీ', 'మేరే ఆంగ్నే మెయిన్'​, 'ఆరంభ్'​ ధారావాహికలు, కార్యక్రమాల ద్వారా ఆశీష్​ రాయ్​ గుర్తింపు తెచ్చుకున్నారు.

ఇదీ చూడండి...కిడ్నీ సమస్యతో టీవీ నటి మృతి