పింక్, ముల్క్, బద్లా లాంటి చిత్రాలతో బాలీవుడ్లో గుర్తింపు తెచ్చుకుంది తాప్సీ. ప్రస్తుతం'సాండ్ కీ ఆంఖ్' అనే చిత్రంలో నటిస్తోంది. ప్రపంచ వయోధిక షూటర్లుగా పేరు గాంచిన చాంద్రో, ప్రకాషీ తోమర్ల జీవితం ఆధారంగా ఈ సినిమా తెరకెక్కుతోంది. కథ హృదయాన్ని హత్తుకునేలా ఉందని సినిమాపై ప్రేమను వ్యక్తపరిచిందీ దిల్లీ భామ. ఈ చిత్రంలో తాప్సీతో పాటు భూమి పడ్నేకర్ కూడా నటిస్తోంది.
ఉత్తరప్రదేశ్లో ఓ చిన్న గ్రామానికి చెందిన చాంద్రో, ప్రకాషీ అనే మహిళలు జాతీయ స్థాయి షూటింగ్లో సత్తాచాటారు. చాంద్రో 30 జాతీయ ఛాంపియన్షిప్లలో సత్తా చాటి అత్యధిక వయసు గల షూటర్గా పేరు గడించింది. ప్రకాషీ 25 పైగా టైటిల్స్ నెగ్గి రెండో వయోధిక షూటర్గా నిలిచింది.