బిగ్​బాస్ 14 కోసం సల్మాన్​కు రూ.250 కోట్లు?

బిగ్​బాస్ కొత్త సీజన్​ కోసం సల్మాన్​కు భారీగా రెమ్యునరేషన్​ ఇవ్వనున్నారట. అక్టోబరు నుంచి ఈ షో ప్రారంభం కానున్నట్లు తెలుస్తోంది.

బాలీవుడ్​ నటుడు సల్మాన్​ఖాన్.. 'బిగ్​బాస్ 14'​ కోసం సిద్ధమవుతున్నారు. కరోనా ప్రభావంతో పూర్తి జాగ్రత్తలతో ఈ కార్యక్రమం షూటింగ్​ జరపనున్నారు. అయితే 12 వారాల పాటు జరిగే ఈ సీజన్​ కోసం భారీ రెమ్యునరేషన్​ డిమాండ్​ చేస్తున్నారట సల్మాన్. ఈ మొత్తం దాదాపు రూ.250 కోట్ల వరకు ఉండనుందని టాక్. ఇదే నిజమైతే అత్యధిక పారితోషికం తీసుకునే టీవీ వ్యాఖ్యాతగా రికార్డు సృష్టించనున్నారు. ఇప్పటికీ ప్రోమోలు విడుదలవగా, అక్టోబరు నుంచి షో ప్రారంభం కానున్నట్లు తెలుస్తోంది.

లాక్​డౌన్​ ప్రభావంతో ఫామ్​హౌస్​కే పరిమితమైన సల్మాన్.. ఆ సమయంలో నటి జాక్వెలిన్ ఫెర్నాండెజ్​తో కలిసి ఆల్బమ్​ సాంగ్స్ చేశారు. భాయ్ నటిస్తున్న 'రాధే' సినిమా మిగిలిన చిత్రీకరణ ఈ ఏడాది చివర్లో లేదంటే వచ్చే సంవత్సరం మొదట్లో జరిగే అవకాశముంది.