కుటుంబంతో కలిసి 'రామాయణం' చూసిన 'రాముడు'

1987.. దూరదర్శన్​ ఛానెల్​లో ప్రసారమైన 'రామాయణం' అప్పట్లో ప్రేక్షకులను బాగా ఆకట్టుకుంది. లాక్​డౌన్​ నేపథ్యంలో ప్రజల కోరిక మేరకు ఈ ధారావాహికను పునఃప్రసారం చేయాలని డీడీ ఛానెల్ గతవారం నిర్ణయించింది. అయితే అందులో రాముని పాత్రలో నటించిన అరుణ్​ గోవిల్​.. ప్రస్తుతం తన కుటుంబంతో కలిసి 'రామాయణం' చూస్తున్నాడు. ఆ ఫొటో నెట్టింట వైరల్​గా మారింది.

రీల్‌ రాముడు అరుణ్‌ గోవిల్‌ రియల్‌ లైఫ్‌లో తన కుటుంబంతో కలిసి 'రామాయణం' సిరీస్‌ చూశాడు. 1987లో ఈ సిరీస్‌ బుల్లితెర ప్రేక్షకుల్ని తెగ ఆకట్టుకుంది. దూరదర్శన్‌లో ప్రసారమైన ఈ ధారవాహికకు ఎంతో మంది అభిమానులు ఉన్నారు. లాక్‌డౌన్‌ నేపథ్యంలో ఇన్నేళ్లకు మళ్లీ 'రామాయణం'ను దూరదర్శన్‌లో ప్రసారం చేస్తున్నారు. సోమవారం ఈ సిరీస్‌ను అరుణ్‌ తన కుటుంబ సభ్యులతో కలిసి వీక్షించాడు. ఈ సందర్భంగా తీసిన ఫొటో సోషల్‌మీడియాలో వైరల్‌గా మారింది. 'రామాయణం' హ్యాష్‌ట్యాగ్‌ తెగ ట్రెండ్‌ అయ్యింది. బాల్యం గుర్తొస్తోందని చాలా మంది కామెంట్లు చేశారు.

కుటుంబంతో కలిసి 'రామాయణం' చూస్తున్న రాముడు పాత్రధారి అరుణ్​ గోవిల్​

'రామాయణం' సిరీస్‌ను మార్చి 28 నుంచి దూరదర్శన్‌లో ప్రసారం చేయబోతున్నామని గతవారం కేంద్ర సమాచార ప్రసారశాఖ మంత్రి ప్రకాశ్‌ జావడేకర్‌ ప్రకటించారు. పబ్లిక్‌ డిమాండ్‌ను దృష్టిలో ఉంచుకుని ఈ నిర్ణయం తీసుకున్నట్లు చెప్పారు. ఉదయం 9 నుంచి 10 గంటల వరకు ఓ ఎపిసోడ్‌, రాత్రి 9 నుంచి 10 వరకు మరో ఎపిసోడ్‌ ప్రసారం అవుతుందని తెలిపారు. 'రామాయణం'లో సీతగా దీపిక చిఖాలియా, లక్ష్మణుడిగా సునీల్‌ లాహిరి నటించారు. వీరికీ మంచి గుర్తింపు లభించింది. 33 ఏళ్ల క్రితం వచ్చిన ఈ సిరీస్‌ను దర్శకుడు రామానంద్‌ సాగర్‌ తెరకెక్కించాడు.

ఇదీ చూడండి.. రకుల్ సినిమాల్లోకి వచ్చింది అందుకే!