బుల్లితెర ప్రేక్షకులను కడుపుబ్బా నవ్విస్తోన్న ఖతర్నాక్‌ కామెడీ షో 'ఎక్స్ట్రా జబర్దస్త్'(Extra Jabardast 350episode). రష్మి వ్యాఖ్యాతగా ఈటీవీలో ప్రసారమవుతోన్న ఈ ఎంటర్టైనర్ షో 350వ ఎపిసోడ్ ప్రేక్షకులను కడుపుబ్బా నవ్వించడం సహా భావోద్వేగానికి గురి చేసింది.
ఈ ఎపిసోడ్లో రాకింగ్ రాకేష్-రోహిణి(rocking rakesh rohini).. తమను విమర్శించిన వారికి గట్టి సమాధానం ఇచ్చారు. గత వారం స్క్రిప్ట్లో భాగంగా రాకేష్ రోహిణికి ముద్దు పెట్టి అందర్ని ఆశ్చర్యానికి గురి చేశాడు. దీంతో యూట్యూబ్లో కొన్ని ఛానల్స్ వారిపై ఇష్టం వచ్చినట్లు రాశాయి. వారిద్దరూ పెళ్లి కూడా చేసుకోనున్నట్లు కథనాలు వచ్చాయి. దీనిపై స్పందించిన ఈ జోడీ.. ముద్దుకు ముద్దుతోనే (స్క్రిప్ట్లో భాగంగా) సమాధానమిచ్చారు. ఈ సారి ఏకంగా లిప్లాక్తో అలరించారు! ఈ డ్రామాలో టిక్టాక్ ఫేమ్ దుర్గారావు దంపతులు మెరిశారు.