'మిస్టర్​ బీన్' చనిపోయారంటూ ఫేస్​బుక్ పోస్ట్

మిస్టర్ బీన్ పాత్రధారి, ప్రముఖ నటుడు రోవాన్ మృతి చెందారంటూ గత కొన్నిరోజుల నుంచి ఫేస్​బుక్​లో ఓ పోస్ట్ ప్రచారమైంది. అయితే అదంతా అసత్యమని తేలింది. దీంతో ఆయన అభిమానులు ఊపిరి పీల్చుకున్నారు.

మిస్టర్ బీన్ అంటా చాలామంది తెలిసే ఉండొచ్చు. 90ల్లో వచ్చిన ఈ టీవీ షో ద్వారా చాలామంది ఆ పాత్రకు అభిమానులు అయిపోయారు. బీన్​గా నటించిన రోవాన్ ఎట్కిన్​సన్.. మే 29న చనిపోయారంటూ సోషల్ మీడియాలో ప్రచారం జరుగుతోంది. ఆ పోస్ట్​ను చాలామంది షేర్ కూడా చేయడం వల్ల ప్రపంచవ్యాప్తంగా ఉన్న మిస్టర్ బీన్ ఫ్యాన్స్ షాకయ్యారు. కానీ ఆ వార్త అసత్యమని తెలుసుకుని ఊపిరి పీల్చుకున్నారు.

రోవాన్ మరణించారని 2012, 13, 15, 16, 17, 18 సంవత్సరాల్లోనూ ఇలానే తప్పుడు ప్రచారం జరిగింది. ఇప్పుడు మరోసారి అలానే జరిగినప్పటికీ ఆయన అభిమానులు మాత్రం ఒక్కసారిగా షాకయ్యారు.

ఇది చదవండి:తెరపై 'మిస్టర్​ బీన్'​.. నిజ జీవితంలో 'హీరో'