ప్రముఖ నటుడు మోహన్‌బాబు వారసురాలిగా వెండితెరకు పరిచయమైనా, తనదైన ప్రతిభతో గుర్తింపు తెచ్చుకుంది మంచు లక్ష్మీ ప్రసన్న. సినిమాల్లోనే కాకుండా 'లక్ష్మీ టాక్ షో', 'ప్రేమతో మీ లక్ష్మీ', 'నేను సైతం' వంటి కార్యక్రమాలతో బుల్లితెర ప్రేక్షకులను మురిపించింది. ఇప్పుడు 'ఫీట్ అప్ విత్ ద స్టార్' అనే సరికొత్త కార్యక్రమంతో డిజిటల్‌ మీడియాలో సందడి చేసేందుకు సిద్ధమైందీ నటి. ఆ సందర్భంగా ఈ షోకు సంబంధించిన విశేషాలను గురువారం హైదరాబాద్‌లో జరిగిన మీడియా సమావేశంలో వెల్లడించింది.
" ఇప్పటి వరకు నేను చేసిన షోలలో 'ఫీట్ అప్ విత్ ద స్టార్స్' చాలా భిన్నమైనది. ఇందులో పాల్గొనేందుకు వచ్చే స్టార్స్ను నైట్డ్రెస్లో రమ్మంటే వారిలో కొందరు ఆశ్చర్యపోయారు. మరికొందరు ఉత్సాహంగా ముందుకొచ్చారు. బాలీవుడ్లో ఈ తరహా కార్యక్రమాలు సాధారణమే, కానీ తెలుగు ప్రేక్షకులకు మాత్రం చాలా కొత్త. ఇందులో ఎక్కడా అభ్యంతరకర, వివాదాస్పద ప్రశ్నలకు తావులేదు. స్టార్స్కు సంబంధించిన కొత్త విషయాలు ఇందులో తెలుసుకుంటారు. హీరోయిన్ సమంత, తన భర్త నాగ చైతన్య గురించి ఈ షోలో మాట్లాడిన విషయాలు ప్రతిఒక్కరిని ఆశ్చర్యపరుస్తాయి. వరుణ్తేజ్ మీకు మరింత కొత్తగా పరిచయం కాబోతున్నాడు" -మంచు లక్ష్మీ ప్రసన్న, నటి-నిర్మాత