సీక్వెల్ చిత్రాలతో కష్టమంటున్న శ్రీలంక సుందరి

సీక్వెల్ చిత్రాల్లో నటించడం అంత సులభం కాదంటోంది జాక్వలిన్ ఫెర్నాండేజ్. తాజాగా సల్మాన్ సరసన 'కిక్ 2' సినిమాలో నటించనుందీ శ్రీలంక సుందరి.

కిక్​ సినిమాలో సల్మాన్​తో ఆడిపాడిన జాక్వలిన్ ఫెర్నాండేజ్ మరోసారి కండలవీరుడితో జంటగా నటించనుంది. కిక్​ చిత్రానికి సీక్వెల్​గా తెరకెక్కనున్న 'కిక్ 2'లో అవకాశాన్ని అందిపుచ్చుకుంది జాక్వలిన్. సాజిద్ నడియావాలా ఈ చిత్రాన్ని నిర్మిస్తున్నారు.

గతంలో రేస్, హౌస్​ఫుల్, జుడ్వా సీక్వెల్స్​లో​ నటించిన జాక్వలిన్.. కొనసాగింపు చిత్రాల్లో నటించడం అంత సులభం కాదని చెబుతోంది. ప్రేక్షకులు ఎన్నో అంచనాలతో థియేటర్లకి వస్తారని, వాటిని అందుకోలేనప్పుడు నిరుత్సాహపడతారని తెలిపిందీ శ్రీలంక భామ.

'కిక్ 2'తో పాటు సుశాంత్ సింగ్ రాజ్​పుత్​తో కలిసి 'డ్రైవ్' చిత్రంలోనూ నటిస్తుంది జాక్వలిన్. ఈ సినిమా జూన్​లో ప్రేక్షకుల ముందుకు రానుంది. అక్షయ్ కుమార్, రోహిత్ శెట్టి కాంబినేషన్​లో వస్తున్న 'సూర్యవంశీ'లోనూ జాక్వలిన్​నే కథానాయిక.