ప్రముఖ వెబ్సిరీస్ 'ది ఫ్యామిలీ మ్యాన్' సీజన్‌ 2 త్వరలోనే ప్రేక్షకుల ముందుకురానుందా? అంటే అవుననే అంటున్నాయి బాలీవుడ్ వర్గాలు. మనోజ్‌ బాజ్‌పాయ్‌, ప్రియమణి ప్రధానపాత్రలు పోషించిన ఈ సిరీస్ మొదటి భాగం ప్రేక్షకుల్ని విపరీతంగా అలరించింది. శ్రీకాంత్‌ తివారీగా మనోజ్‌ నటన విశేషంగా ఆకట్టుకుంది. మొదటి సీజన్‌ అందించిన విజయోత్సాహంతో 'ది ఫ్యామిలీ మ్యాన్' సీజన్‌ 2ను తెరకెక్కించారు దర్శకద్వయం రాజ్‌, డీకే. ఇందులో అదనపు ఆకర్షణగా కథానాయిక సమంత నటించారు.
'ఫ్యామిలీ మ్యాన్ 2' రిలీజ్కు ముహూర్తం ఖరారు?
'ది ఫ్యామిలీ మ్యాన్ 2' వెబ్సిరీస్ ఫిబ్రవరిలో విడుదల కావాల్సింది. కానీ, కొన్ని కారణాల వల్ల ఓటీటీ రిలీజ్ను ఆపేసిన నిర్మాణసంస్థ త్వరలోనే ప్రేక్షకుల ముందుకు తీసుకురావాలని సన్నాహాలు చేస్తోందని బాలీవుడ్లో ప్రచారం జరుగుతోంది.
'ఫ్యామిలీ మ్యాన్ 2' రిలీజ్కు ముహూర్తం ఖరారు?
ఈ సిరీస్‌ను ఫిబ్రవరి 12న ప్రేక్షకుల ముందుకు తీసుకొస్తున్నట్లు గతంలో ప్రకటించింది ప్రముఖ ఓటీటీ సంస్థ అమెజాన్‌ ప్రైమ్‌ వీడియో. కొన్ని కారణాల వల్ల రిలీజ్ వాయిదా పడింది. ఈ నేపథ్యంలో 'ఫ్యామిలీ మ్యాన్' సిరీస్ ఎప్పుడు రిలీజ్ అవుతుందా? అని అభిమానులు ఆసక్తిగా ఎదురుచూస్తున్నారు. అయితే ఈ వెబ్సిరీస్ను జూన్లో విడుదల చేసేందుకు చిత్రబృందం సన్నాహాలు చేస్తోందని బాలీవుడ్ వర్గాలు అంటున్నాయి.
ఇదీ చూడండి:టాలీవుడ్ రీమేక్ కింగ్స్.. ఎవరు టాప్?