'ఆచార్య' పాటకు గ్రూప్​గా అదరగొట్టేశారు!

మెగాస్టార్ చిరంజీవి 'ఆచార్య'లోని 'లాహే లాహే' పాట.. శ్రోతల ఆదరణ దక్కించుకుంది. యూట్యూబ్​లోనూ 50 మిలియన్ల కంటే ఎక్కువ వ్యూస్ సాధించి, దూసుకుపోతోంది. ఇప్పుడు ఆ పాటకు మరింత అందంగా 'ఢీ'లో డ్యాన్స్ చేసి చూపించారు!

'ఢీ 13: కింగ్స్ vs క్వీన్స్' లేటెస్ట్ ప్రోమో అలరిస్తోంది. ఈ ఎపిసోడ్​లో భాగంగా కొరియోగ్రాఫర్​తో కలిసి కంటెస్టెంట్​లు డ్యాన్స్​ చేశారు. 'ఆచార్య'లోని 'లాహే లాహే' పాటకు చేసిన నృత్యం చూడముచ్చటగా అనిపిస్తుంది.

' చంద్రముఖి'లోని 'రారా సరసకు రారా' గీతానికి క్లాసికల్, వెస్ట్రన్​ కలిపి చేసిన డ్యాన్స్ మెప్పించింది. ఇదే పాటలో స్పెషల్ ఎంట్రీ ఇచ్చిన చలాకీ చంటి.. సూపర్​స్టార్ రజనీకాంత్​ 'నరసింహా' డైలాగ్​తో అదరగొట్టారు.

మరోవైపు కంటెస్టెంట్​లు సాయి-నైనిక.. 'సామజవరగమన' పాటకు చేసిన డ్యాన్స్​ క్యూట్​గా ఉంది! వారిద్దరి మధ్య ఏం ఉంది? అని యాంకర్ ప్రదీప్ అడగ్గా.. దానికి నైనిక నవ్వుతూ సమాధానమిచ్చింది. దీని పూర్తి ఎపిసోడ్ జులై 28న రాత్రి 9:30 గంటలకు ఈటీవీలో ప్రసారం కానుంది.

ఇవీ చదవండి: