Alitho saradaga poornima: సినిమా ఆర్టిస్ట్‌ కావడం వల్ల వచ్చిన ప్రతి సంబంధమూ కుదిరేది కాదని అలనాటి నటి పూర్ణిమ(Poornima) అన్నారు. ఆలీ వ్యాఖ్యాతగా ఈటీవీలో ప్రసారమయ్యే 'ఆలీతో సరదాగా' కార్యక్రమానికి ఆమె విచ్చేసి సందడి చేశారు. ఈ సందర్భంగా తన కెరీర్‌లో జరిగిన సంఘటనలను గుర్తు చేసుకున్నారు.
తాను తొలుత గాయని అవుదామనుకున్నానని, అయితే, నటిగా మారాల్సి వచ్చిందని పూర్ణిమ చెప్పారు. 'సప్తపది'లో తొలుత అవకాశం వచ్చినా, డ్యాన్స్‌ రాదని తెలిసి అందులో తీసుకోలేదని చెప్పారు. హీరోయిన్‌గా తన పక్కన చేయమని దిగ్గజ నటుడు ఏయన్నార్‌ అడిగేవారని చెప్పుకొచ్చారు.