అక్షయ్ కుమార్ కొత్త చిత్రం సూర్యవంశీ తొలిరూపు విడుదలైంది. పోలీస్ వేషధారణలో మాస్ లుక్లో కనిపిస్తున్నాడీ కిలాడీ. రోహిత్ శెట్టి దర్శకత్వం వహిస్తున్న ఈ చిత్రం 2020 ఈద్ కానుకగా ప్రేక్షకుల ముందుకు రానుంది.
"ఏ బుల్లెట్ ఫర్ ఏ బుల్లెట్" అంటూ అక్షయ్ కుమార్ తన స్పందనను ట్విటర్లో పంచుకున్నాడు. దీనికి రణ్వీర్ సింగ్ బదులిస్తూ "అవును.. అతను ఒంటరి వాడు కాదు" అంటూ తన ట్విటర్లో పేర్కొన్నాడు.
గతేడాది... గోల్డ్, ప్యాడ్మ్యాన్ చిత్రాలతో విజయం సాధించిన అక్షయ్ వరుసగా సినిమాలు చేస్తున్నాడు. ఇప్పటికే మిషన్ మంగళ్, హౌసఫుల్ 4, గుడ్న్యూస్ చిత్రాలు సెట్స్పై ఉండగా కేసరి విడుదలకు సిద్ధంగా ఉంది.
రోహిత్ శెట్టి తెరకెక్కించిన సింగం, సింబా తరహాలోనే ఈ చిత్రంలో మాస్ పోలీస్గా కనువిందు చేయనున్నాడు అక్షయ్. రిలయన్స్ ఎంటర్టైన్మెంట్, ధర్మ ప్రొడక్షన్స్, కేప్ ఆఫ్ గుడ్ ఫిల్మ్స్ సంయుక్తంగా నిర్మిస్తున్నాయి.