జయా బచ్చన్, ఐశ్వర్యా రాయ్​కు కరోనా నెగటివ్

14:00 July 12

జయా బచ్చన్, ఐశ్వర్యారయ్​కి కరోనా నెగటివ్

అమితాబ్ బచ్చన్, అభిషేక్ బచ్చన్​లకు కరోనా పాజిటివ్​ రాగా వారి కుటుంబం మొత్తానికి పరీక్షలు నిర్వహించారు. తాజాగా జయా బచ్చన్​తో పాటు ఐశ్వర్యా రాయ్​కు నెగటివ్​ అని తేలింది.

10:08 July 12

అమితాబ్ నివాసం శానిటైజ్

అమితాబ్, అభిషేక్​కు కరోనా పాజిటివ్ రావడం వల్ల అప్రమత్తమయ్యారు ముంబయి కార్పోరేషన్ అధికారులు. వారి నివాసం 'జల్సా'ను పూర్తిగా శానిటైజ్ చేశారు.

07:35 July 12

నిలకడగా అమితాబ్​ ఆరోగ్యం..

కరోనా సోకిన అమితాబ్​ బచ్చన్​ ఆరోగ్యం నిలకడగా ఉందని ముంబయిలోని నానావతీ సూపర్​ స్పెషాలిటీ ఆసుపత్రి అధికారి తెలిపారు. ప్రస్తుతం ఆయనకు తేలికపాటి లక్షణాలు కనిపిస్తున్నట్లు పేర్కొన్నారు. ప్రస్తుతం అమితాబ్​.. ఆసుపత్రి ఐసోలేషన్​ యూనిట్​లో ఉన్నట్లు వెల్లడించారు.  

02:27 July 12

మహారాష్ట్ర ఆరోగ్య మంత్రి స్పందన...

అమితాబ్​, అభిషేక్​కు యాంటిజెన్ పరీక్షలు నిర్వహించినట్లు మహారాష్ట్ర ఆరోగ్య మంత్రి రాజేశ్​ తోపే తెలిపారు. వారి కుటుంబ సభ్యులు జయా బచ్చన్​, ఐశ్వర్యరాయ్​ బచ్చన్​కూ పరీక్షలు నిర్వహించామని, వారి ఫలితాలు ఆదివారం ఉదయం వస్తాయని స్పష్టం చేశారు. 

00:15 July 12

అభిషేక్​ బచ్చన్​కూ కరోనా..

తన తండ్రి అమితాబ్​తో పాటు తనకు కరోనా పాజిటివ్​గా తేలినట్లు బాలీవుడ్ హీరో అభిషేక్​ బచ్చన్​ వెల్లడించాడు. ఇద్దరకీ స్వల్ప లక్షణాలు ఉన్నాయని, ఆసుపత్రిలో చేరినట్లు స్పష్టం చేశాడు. సంబంధిత అధికారులకు సమాచారమిచ్చి, తమ కుటుంబ సభ్యులకు పరీక్షలు నిర్వహించినట్లు తెలిపాడు జూనియర్  బచ్చన్.  

ఎవరూ భయపడవద్దని, ప్రశాంతంగా ఉండాలని అభిమానులకు విజ్ఞప్తి చేశాడు  అభిషేక్. 

00:09 July 12

దేశమంతా మీ వెనక ఉంది..

అమితాబ్ కరోనా నుంచి వేగంగా కోలుకోవాలని ఆకాంక్షిస్తున్నట్లు మాజీ క్రికెటర్ యువరాజ్​ సింగ్ తెలిపారు. "దేశమంతా మీ వెనక ఉంది, మీ ఆరోగ్యం కోసం ప్రార్థిస్తోంది. మీరు జీవితమంతా ఒక యోధుడిలా పోరాడారు. ఈ సమస్యను కూడా అదే సంకల్ప శక్తితో అధిగమిస్తారని భావిస్తున్నా" అని ట్వీట్ చేశాడు యువరాజ్​.

23:55 July 11

జాగ్రత్తగా ఉండండి- సచిన్​

అమితాబ్​ త్వరగా కోలుకోవాలని దిగ్గజ క్రికెటర్​ సచిన్ తెందుల్కర్​ ఆకాంక్షించారు. జాగ్రత్త వహించాలని సూచించారు. 

23:53 July 11

మమతా బెనర్జీ..

అమితాబ్​కు కరోనా పాజిటివ్ రావటం దిగ్భ్రాంతికి గురిచేసిందని బంగాల్ ముఖ్యమంత్రి మమతా బెనర్జీ తెలిపారు. ఆయన త్వరగా ఈ మహమ్మారి నుంచి బయటపడాలని ప్రార్థిస్తున్నట్లు చెప్పారు. 

23:48 July 11

త్వరగా కోలుకోవాలి: కేంద్ర మంత్రి హర్షవర్ధన్

కరోనా నుంచి అమితాబ్​ త్వరగా కోలుకోవాలని కేంద్ర ఆరోగ్య మంత్రి హర్షవర్ధన్​ ఆకాంక్షించారు. అమితాబ్​ సూపర్ స్టార్​ అని, కోట్ల మందిలో స్ఫూర్తి నింపారని అన్నారు. ప్రభుత్వం సాయంగా ఉంటుందని స్పష్టం చేశారు. 

22:52 July 11

బాలీవుడ్​ స్టార్​ అమితాబ్​ బచ్చన్​కు కరోనా పాజిటివ్​

దిగ్గజ నటుడు అమితాబ్​ బచ్చన్​కు కరోనా పాజిటివ్​గా తేలింది. ముంబయిలోని నానావతి ఆసుపత్రికి తరలించారు. అమితాబ్​ కుటుంబంతో పాటు సిబ్బందికి కరోనా పరీక్షలు నిర్వహించారు. అయితే ఫలితాలు ఇంకా రావాల్సి ఉంది. ఆయనతో గత 10 రోజులుగా సన్నిహితంగా ఉన్నవారిని పరీక్షలు చేయించుకోవాల్సిందిగా అమితాబ్​ ట్విట్టర్​లో కోరారు.