చైనా అధ్యక్షుడు జిన్పింగ్.. 'దంగల్' సినిమాను చూసినట్లు తనతో చెప్పారని ప్రధాని నరేంద్ర మోదీ అన్నారు. ఇటీవల తమిళనాడు మామల్లపురంలో జిన్పింగ్తో భేటీ అయినప్పుడు ఆయన ఈ విషయాన్ని ప్రస్తావించారన్నారు. హరియాణా చర్ఖీ దాద్రీలో నిర్వహించిన ఎన్నికల ప్రచారంలో ఈ విషయాన్ని వెల్లడించారు మోదీ.
దంగల్ సినిమా గురించి ర్యాలీలో మాట్లాడుతున్న మోదీ
"చైనా అధ్యక్షుడిని ఇటీవలే కలిశాను. అనధికారిక సమావేశంలో పాల్గొన్నాం. చాలా విషయాలు చర్చించాం. 'దంగల్' సినిమా చూశానని చైనా అధ్యక్షుడు నాతో గర్వంగా చెప్పారు. మహిళలు ఎంత అద్భుత ప్రతిభ కనుబరుస్తున్నారో తెలిసిందన్నారు. ఆ మాటలు వినగానే హరియాణాపై గర్వంతో ఉప్పొంగిపోయా"
-నరేంద్ర మోదీ, ప్రధాన మంత్రి