పాడుతూ స్టేజిపై నుంచి కిందపడ్డ పాప్ సింగర్

ప్రముఖ పాప్ సింగర్ లేడీ గగా.. లాస్​వెగాస్​లోని ఓ కార్యక్రమంలో పాట పాడుతూ స్టేజిపై నుంచి కిందపడిపోయింది. ఆ వీడియో వైరల్​గా మారింది.

ప్రముఖ పాప్​ సింగర్ లేడీ గగాకు అనుకోని అనుభవం ఎదురైంది. లాస్​వెగాస్​లో జరిగిన ఓ సంగీత కార్యక్రమంలో అభిమానితో కలిసి పాట పాడుతూ స్టేజిపై నుంచి కింద పడిపోయింది. అప్పుడు వీడియోలు తీసిన చాలా మంది అభిమానులు, వాటిని సామాజిక మాధ్యమాల్లో పంచుకున్నారు. ఆ తర్వాత అది వైరల్​గా మారింది. అనంతరం ఈ విషయంపై స్పందించిందీ గాయని.

"అతడితో పాట పాడటం నిజంగా బాగుంది. అయితే అనుకోకుండా స్టేజిపై నుంచి కింద పడిపోయాం. ఒకరి భుజాలపై ఒకరం పడ్డాం. ఆ తర్వాత ఇద్దరం కలిసి టీ తాగాం" -లేడీ గగా, పాప్ సింగర్

హెర్ రెసిడెన్సీ సిరీస్​ను గతేడాది జనవరి 20 నుంచి లాస్​వెగాస్​లోని ఎమ్​జిఎమ్ పార్క్ థియేటర్​లో ప్రదర్శిస్తోంది సింగర్ లేడీగగా.