రణ్వీర్ సింగ్ నటించిన 'గల్లీబాయ్' చిత్రం మెల్బోర్న్లో జరగనున్న భారతీయ చలన చిత్రోత్సవాలకు ఎంపికైంది. ఆగస్టు 8 నుంచి 17 వరకు మెల్బోర్న్లో పదో ఫిల్మ్ ఫెస్టివల్ నిర్వహించనున్నారు. ఆగస్టు 10న చిత్ర దర్శకురాలు సినిమా గురించి ఆస్ట్రేలియా ప్రేక్షకులతో చర్చలో పాల్గొంటారు.
"భారతీయ సినిమాలు హద్దులు చెరుపుకుని ప్రపంచవ్యాప్తంగా ప్రేక్షకులకు చేరువ కావాలని ఎప్పుడూ కోరుకుంటాను. ఓ దర్శకురాలిగా ఇది నాకు అరుదైన గౌరవమనే చెప్పాలి. భారతీయ చిత్రోత్సవాలను చూడటానికి ఎంతో ఆతృతగా ఉంది" -జోయా అక్తర్, బాలీవుడ్ దర్శకురాలు.